MS Dhoni Video With Fan : भारतीय क्रिकेट संघाचा माजी कर्णधार महेंद्रसिंग धोनीचा एक व्हिडीओ व्हायरल होत आहेत. सर्वांचा लाडका माही आणि त्याच्या चाहत्यांचे नाते जगजाहीर आहे. धोनीची एक झलक पाहण्यासाठी चाहते आतुर असतात. धोनीने २०२० मध्ये आंतरराष्ट्रीय क्रिकेटमधून निवृत्ती घेतली. तेव्हापासून तो केवळ आयपीएलमध्ये खेळताना दिसतो. धोनी अनेकदा रांचीच्या रस्त्यावर गाडी चालवताना दिसला आहे.
धोनीचा एक व्हिडीओ व्हायरल होत आहे, ज्यामध्ये माहीला त्याच्या चाहत्याने केलेल्या आग्रहासमोर हार मानावी लागली. संबंधित चाहता धोनीला पाहताच म्हणतो की, एक फोटो द्या ना... एक फोटो फक्त, एक फोटो द्या ना सर. फक्त एक सेकंद लागेल. काच खाली घ्या ना सर प्लीज. खरे तर चाहत्याचा हा आग्रह पाहून धोनीने काच खाली घेऊन त्याच्यासोबत सेल्फी घेतली.
धोनीच्या या व्हिडीओला चाहत्यांची चांगली पसंती मिळत आहे. नेटकरी कमेंटच्या माध्यमातून धोनीच्या या व्हिडीओवर प्रेमाचा वर्षाव करत आहेत. भारतीय क्रिकेट संघाचा माजी खेळाडू महेंद्रसिंग धोनी क्रिकेटपासून दूर असला तरी तो प्रसिद्धीच्या झोतात कायम असतो. केवळ आयपीएल खेळणारा माही कॅप्टन कूल म्हणून प्रचलित आहे. त्याची पत्नी साक्षी धोनी सोशल मीडियावर नेहमी सक्रिय असते. साक्षीने भटकंतीचे काही फोटो शेअर केले आहेत.
धोनी भारतीय क्रिकेटच्या इतिहासातील सर्वात यशस्वी कर्णधार आहे. त्याच्या नेतृत्वात भारताने तीनवेळा आयसीसीचा किताब जिंकला आहे. धोनी कर्णधार असताना भारताला एक ट्वेंटी-२० विश्वचषक, एक वन डे विश्वचषक आणि एक चॅम्पियन्स ट्रॉफी जिंकण्यात यश आले. शेवटच्या वेळी २०१३ मध्ये टीम इंडियाने चॅम्पियन्स ट्रॉफीच्या रूपात आयसीसीचा किताब जिंकला होता. तेव्हापासून आजतागायत भारताच्या खात्यात ट्रॉफीचा दुष्काळ आहे.