MS Dhoni च्या फलंदाजी क्रमावरून टीका करणाऱ्यांनो, जरा कारण जाणून घ्या! औषधं खाऊन खेळतोय तो

महेंद्रसिंग धोनीच्याआयपीएल २०२४ मधील फलंदाजीच्या क्रमावरून सध्या जोरदार टीकासत्र सुरू आहे. पंजाब किंग्सविरुद्धच्या सामन्यात धोनी नवव्या क्रमांकावर फलंदाजीला आला होता आणि त्यावरून त्याच्यावर इरफान पठाण व हरभजन सिंग यांनी जोरदार टीका केली. CSK ने पंजाब किंग्जविरुद्ध १२२ धावांवर सहावी विकेट गमावली. पण १६व्या षटकाच्या अखेरीस धोनी फलंदाजीसाठी क्रीजवर येईल, अशी अपेक्षा होती. मात्र तसे झाले नाही आणि त्याच्या जागी शार्दूल ठाकूर आला. हे पाहून सगळेच हैराण झाले. मात्र, धोनी पहिल्याच चेंडूवर खाते न उघडता बाद झाला आणि हर्षल पटेलने त्याला क्लीन बोल्ड करून पॅव्हेलियनमध्ये पाठवले.

चेन्नई सुपर किंग्जचा माजी खेळाडू हरभजन सिंगने देखील धोनीवर ९व्या क्रमांकावर फलंदाजी केल्याबद्दल टीका केली होती आणि तो म्हणाला की तो आपल्या संघाला निराश करत आहे म्हणून त्याने असे करू नये. धोनीला प्रथम फलंदाजी करता येत नसेल तर त्याने स्वत:ला संघातून वगळावे किंवा दुसऱ्या फलंदाजाला संधी द्यावी.

पण टाईम्स ऑफ इंडियाच्या एका रिपोर्टमध्ये मोठा खुलासा झाला आहे. या अहवालात असे म्हटले आहे की धोनीच्या गुडघ्याला दुखापत झाली आहे आणि यामुळेच तो वेगाने धावू शकत नाही. धोनीला खूप वेदना होत आहेत. त्यामुळे त्याला धावताना कोणतीही अडचण येऊ नये म्हणून ते मैदानावरच औषध घेत आहे. डॉक्टरांनी धोनीला स्पष्ट मनाई केली आहे, पण फलंदाजाकडे दुसरा पर्याय नाही. कारण संघातील बहुतांश खेळाडू जखमी झाले आहेत. डेव्हॉन कॉनवे बाहेर पडल्यानंतर धोनीकडे पर्याय उरला नव्हता. त्यामुळे धोनी शेवटी यष्टिरक्षणासोबतच फलंदाजीसाठी उतरतोय.

धोनी गुडघ्याच्या दुखापतीने गेल्या मोसमातही खेळला होता. त्यानंतर त्याच्यावर शस्त्रक्रिया करण्यात आली. धोनी, ही दुखापत बरी झाली आहे पण आता स्नायू फाटणे त्याला त्रास देत आहे. धोनी ४२ वर्षांचा आहे आणि संपूर्ण २० षटके मैदानावर खेळतोय. धोनीला धावा काढण्यात आणि पळण्यात अडचण येत असली तरीही तो आपला संघ सोडत नाहीये. सूत्राने असेही सांगितले की, ऋतुराज गायकवाड कर्णधारपदाखाली आश्चर्यकारक कामगिरी करत आहे. धोनी त्याला तिथे मार्गदर्शन करत आहे.