बेगंळुरू : ‘ऑस्ट्रेलियाविरुद्धच्या मालिकेतील विजय आणि गेल्या वर्षी न्यूझीलंडमधील चांगल्या कामगिरीमुळे आमच्या संघाचा २४ जानेवारीपासून सुरु होणाऱ्या दौºयासाठी आत्मविश्वास उंचावला आहे. आमचे लक्ष्य न्यूझीलंड संघावर पहिल्या चेंडूपासून वर्चस्व गाजवण्याचे राहील,’ असे भारतीय कर्णधार विराट कोहलीने सांगितले. भारतीय संघ सोमवारी रात्री न्यूझीलंडसाठी रवाना झाला.
ऑस्ट्रेलियाचा कर्णधार अ‍ॅरोन फिंचने भारतीय कर्णधार विराट कोहलीला एकदिवसीय क्रिकेटमधील सर्वकालिक महान खेळाडू म्हटले आहे. त्याचवेळी, रोहित शर्माला अव्वल पाचमध्ये स्थान दिले आहे. रोहितने आॅस्ट्रेलियाविरुद्ध तिसºया एक्दैवसीय सामन्यात ११९ धावा केल्या. हे त्याचे २९ वे एकदिवसीय शतक ठरले. कोहलीने ८९ चेंडूंत ९१ धावा केला. या दोघांनी १३७ धावांची भागीदारी केली. त्यामुळे भारताने या लढतीत सहज विजय नोंदवला.
फिंच म्हणाला, ‘सलामीवीर शिखर धवन खांद्याच्या दुखापतीमुळे फलंदाजीसाठी उतरला नसताना दोघांच्या खेळीच्या जोरावर भारताने २८७ धावांचे लक्ष्य सहज गाठले. भारतीय संघात विराट आहे. तो एकदिवसीय क्रिकेटमधील सर्वकालिक महान खेळाडू आहे आणि रोहित कदाचित सर्वकालिक फलंदाजांच्या यादीमध्ये अव्वल पाचमध्ये राहील. हे शानदार आहे. भारतीय संघाची विशेषता ही आहे की, त्यांचे अनुभवी खेळाडू मोठ्या सामन्यात आपली जबाबदारी सांभाळत आहेत. रोहितने शतक ठोकले. शिखर खेळणार नसल्याने त्यांना बदल करावा लागला आणि त्यांच्या दोन सर्वांत अनुभवी खेळाडूंनी सर्वाधिक योगदान दिले. त्यावरुन त्यांची आघाडीची फळी किती मजबूत आहे, याची कल्पना येते.’