Umran Malik 20th Over, IPL 2022 PBKS vs SRH: सनरायझर्स हैदराबाद संघाचा कर्णधार केन विल्यमसन याने टॉस जिंकून प्रथम गोलंदाजीचा निर्णय घेतला. त्याच्या या निर्णयाला गोलंदाजांनी पूर्ण न्याय दिला. 'जम्मू एक्सप्रेस' उमरान मलिकचा वेगवान भेदक मारा आणि त्याला इतरांची मिळालेली साथ यामुळे हैदराबादने पंजाब किंग्जला १५१ धावांवर रोखले. पंजाबच्या लियम लिव्हिंगस्टोनने (६०) फटकेबाजी केली. पण शेवटच्या षटकात उमरान मलिकने सामनचा पलटवला.
उमरान मलिकने शेवटच्या षटकात एकही धाव न देता तीन बळी टिपले, तसेच एक फलंदाज धावचीतही झाला. शेवटच्या षटकात पंजाबला ओडियन स्मिथकडून अपेक्षा होती. पण उमरान मलिकने २०व्या षटकात पहिल्या चेंडूवर त्याला माघारी धाडले. त्यानंतर पुढचा चेंडू निर्धाव गेला. त्याच्या पुढच्याच म्हणजे तिसऱ्या आणि चौथ्या चेंडूवर उमरान मलिकने राहुल चहर आणि वैभव अरोराला माघारी धाडले. त्यानंतर त्याला हॅटट्रिकची संधी असताना आर्शदीप सिंहने चेंडू टोलवला. त्यामुळे मलिकची हॅटट्रिक मिस झाली, पण तो त्याच चेंडूवर धावचीत झाल्याने संघाची मात्र हॅटट्रिक झाली. पाहा त्याची तुफानी ओव्हर-
दरम्यान, पंजाबच्या डावात मयंकला विश्रांती दिल्याने हंगामी कर्णधार शिखर धवन आणि प्रभसिमरन दोघे सलामीला आले. धवन ८ तर प्रभसिमरन १४ धावांवर बाद झाला. जॉनी बेअरस्टो (१२) आणि जितेश शर्मा (११) हे दोघेही स्वस्तात बाद झाले. लियम लिव्हिंगस्टोनने मात्र शाहरुख खानच्या साथीने दमदार भागीदारी केली. शाहरूख खान २६ धावांवर माघारी परतला. पण लियम लिव्हिंगस्टोनने अर्धशतक ठोकले. त्याने ३३ चेंडूत ६० धावा केल्या. शेवटच्या टप्प्यात ओडियन स्मिथकडून अपेक्षा होती. पण उमरान मलिकने २०व्या षटकात तीन बळी आणि एक रन आऊट करत पंजाबला १५१ धावांतच रोखले.
Web Title: Umran Malik Superb last Over 20th Over of Innings vs Punjab Kings in IPL 2022 PBKS vs SRH live Updates watch video
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
