Abhishek Sharma vs Rashid Khan, IPL 2022 GT vs SRH Live Video: सनरायजर्स हैदराबाद संघाविरूद्ध गुजरात टायटन्सने टॉस जिंकून प्रथम गोलंदाजी दिली. SRHचा कर्णधार केन विल्यमसन आणि अभिषेक शर्मा हे दोघे मैदानात आले. विल्यमसन आणि राहुल त्रिपाठी दोघांना मोहम्मद शमीने स्वस्ता माघारी पाठवले. पण अभिषेक शर्माने गेल्या सामन्यात केलेली दणकेबाज खेळी या सामन्यातही सुरूच ठेवली. त्याने वेगवान गोलंदाजांचा समाचार घेतल्यानंतर राशिद खानलाही तगडा षटकार लगावला.
अभिषेक शर्मा वेगवान गोलंदाजांची चांगलीच धुलाई करत होता. त्यामुळे धावगतीला ब्रेक लावण्यासाठी हार्दिक पांड्याने अनुभवी स्पिनर राशिद खानला गोलंदाजी दिली. पण त्याचा फारसा फरक पडला नाही. २ षटकात केवळ १६ धावा देणाऱ्या राशिद खानला तिसऱ्या षटकाच्या पहिल्याच चेंडूवर अभिषेक शर्माने अस्मान दाखवले. राशिदने टप्प्यात दिलेला चेंडू अभिषेकने गुडघ्यावर बसून थेट हवेत मारला आणि सीमारेषेपार पोहोचवला. पाहा व्हिडीओ-
सनरायझर्स हैदराबादचा संघ- अभिषेक शर्मा, केन विल्यमसन (कर्णधार), राहुल त्रिपाठी, एडन मार्करम, निकोलस पूरन (किपर), शशांक सिंग, वॉशिंग्टन सुंदर, मार्को जेन्सन, भुवनेश्वर कुमार, उमरान मलिक, टी नटराजन
गुजरात टायटन्सचा संघ- वृद्धिमान साहा (किपर), शुभमन गिल, हार्दिक पांड्या (कर्णधार), अभिनव मनोहर, डेव्हिड मिलर, राहुल तेवतिया, राशिद खान, अल्झारी जोसेफ, लॉकी फर्ग्युसन, यश दयाल, मोहम्मद शमी