मुंबई - टीम इंडियाचा माजी कर्णधार महेंद्रसिंह धोनीने आपला 37 वा जन्मदिवस साजरा केला. पत्नी साक्षी आणि मुलगी झिवासह आपल्या संघातील सहकाऱ्यांसोबत धोनीने केक कापून जन्मदिवस साजरा केला. धोनीच्या या बर्थ डे सेलिब्रेशनचा व्हिडिओ सोशल मीडियावर व्हायरल झाला आहे. धोनीच्या चाहत्यांकडून हा व्हिडिओ आणि धोनीचे छायाचित्र शेअर करुन माहीवर शुभेच्छांचा वर्षाव करण्यात येत आहे.
रांचीतील एका गरीब कुटुंबातून पुढे आलेल्या माहीने आपल्या क्रिकेट खेळाच्या जोरावर जगभरातील कोट्यवधी चाहत्यांची मने जिंकली आहे. भारताला विश्वचषक, टी-20 विश्वचषक, चॅम्पीयन ट्रॉफी जिंकून देण्याचा विक्रम कर्णधार धोनीच्या नावे आहे. मास्टरब्लास्टर सचिन तेंडुलकरनंतर सर्वाधिक प्रेम मिळालेला धोनी हा एकमेव खेळाडू आहे. प्रतिकूल परिस्थितीत संघाला विजय मिळवून देण्याची कामगिरी धोनीने अनेकवेळा बजावली आहे. त्यामुळे धोनी चाहत्यांच्या गळ्यातील ताईत बनला आहे.
बीसीसीआयकडूनही धोनीला शुभेच्छा...
धडाकेबाज विरेंद्र सेहवागकडूनही माहीला हटके शुभेच्छा...