Video : शोएब अख्तर देतोय कोरोनाशी मुकाबला करण्यासाठी बाबा रामदेव यांच्या टिप्स

कोरोना व्हायरसशी मुकाबला करण्यासाठी पाकिस्तानचा माजी गोलंदाज शोएब अख्तर वारंवार सूचना करत आहे.

By ऑनलाइन लोकमत | Published: March 26, 2020 01:51 PM2020-03-26T13:51:48+5:302020-03-26T13:52:14+5:30

Join us

Video : शोएब अख्तर देतोय कोरोनाशी मुकाबला करण्यासाठी बाबा रामदेव यांच्या टिप्स

Join us

कोरोना व्हायरसशी मुकाबला करण्यासाठी पाकिस्तानचा माजी गोलंदाज शोएब अख्तर वारंवार सूचना करत आहे. त्याचबरोबर या व्हायसचे गांभीर्याकडे दुर्लक्ष करणाऱ्यांचे अख्तरने कानही टोचले आहेत. अख्तरने त्याच्या यू ट्यूब चॅनेलवर नवा व्हिडीओ पोस्ट केला आहे. त्यात त्यानं लोकांना चुकीची जीवनशैली सोडण्याचं आवाहन केले आहे. त्यानं योग्य जेवण घेण्याचा सल्ला दिला आहे. योग्य आहारानं शरिरातील प्रतिकारशक्ती वाढते, असंही त्यानं सांगितलं आहे. अख्तरचे हे सल्ले ऐकून लोकांना योगगुरू बाबा रामदेव यांची आठवण येत आहे.

लोकांना सल्ला देण्यापूर्वी अख्तर स्वतः धाव घेताना दिसत आहे. यातून त्यानं लोकांना धावण्याचे फायदे समजावून सांगितले. धावल्यानं फुफ्फुसं मजबूत होतात आणि शरिरातील रोगांशी लढण्याची शक्ती वाढते. या वेळी त्यानं बदलत्या जीवनशैलीनुसार लोकांच्या आहारातही कसा बदल होत गेला यावरही भाष्य केलं आहे. या बदललेल्या आहारामुळे पचनक्षमता खराब झाल्याचेही त्यानं सांगितले.

''लोकांना गाजर, मुळा आणि भाज्या खाणं आवडत नाही. आता सर्वजण रेस्टॉरंटमध्ये जाऊन कच्चा पिझ्झा खातात, शीतपेय पितात. यामुळे आपली पचनक्षमता बिघडते. त्यामुळे कोणताही व्हायरस येतो आणि लोकं लगेच आजारी पडतात. पचनक्षमता मजबूत बनवायची असल्यास घरचं जेवण जेवा,'' असा सल्ला त्यानं दिला. तो पुढे म्हणाला,''ऊसाचा रस, लिंबू पाणी पिण्यास लोकं नाक मुरडतात. त्यांना शीतपेय हवं असतं.''

पाहा व्हिडीओ...