खेळ, खेळाडू आणि दुखापत यांचा कायमच संबंध असतो. खेळाडू खेळत असताना काही चूक झाली तर त्याला दुखापत होते. दुखापत अशी नसावी की खेळाडू थेट रुग्णालयात पोहोचेल. वेस्ट इंडिजच्या डॉमिनिक ड्रेक्सच्या बाबतीत घडले. डॉमिनिक आंतरराष्ट्रीय लीग T20 मध्ये गल्फ जायंट्सकडून खेळत असताना त्याला भीषण अपघात झाला. त्यानंतर त्याला मैदानातून थेट रुग्णालयात नेण्यात आले. स्थिती इतकी वाईट होती की डॉमिनिक ड्रेक्सला स्ट्रेचरवर मैदानाबाहेर नेण्यात आले.
६ फेब्रुवारीला शारजाह वॉरियर्ससोबत खेळल्या गेलेल्या सामन्यात ड्रेक्ससोबत ही घटना घडली होती. सामन्यात वॉरियर्सच्या डावातील सहावे षटक सुरू होते. इंग्लंडचा फलंदाज मोईन अली स्ट्राइकवर होता. त्याने हवेत शॉट खेळला. ड्रेक्स वेगाने धावत आला आणि चेंडूच्या दिशेने झेप घेत त्याने चेंडू पकडला. झेल घेण्यात तो यशस्वी झाला, पण त्याचा चेहरा आणि हात जमिनीवर इतका जोरात आपटला की वेदनेने तो कळवळला. पाहा VIDEO-
हात तुटला पण झेल सुटला नाही!
जखमी ड्रेक्सला स्ट्रेचरच्या साहाय्याने मैदानातून बाहेर नेण्यात आले आणि त्यानंतर उपचारासाठी रुग्णालयात नेण्यात आले. ड्रेक्सच्या प्रकृतीबाबतचे ताजे अपडेट अद्याप आलेले नाही. पण, दुखापत होण्यापूर्वी त्याने घेतलेल्या कॅचमुळे क्रिकेट चाहते त्याचे खूप कौतुक करत आहेत.
डॉमिनिकच्या मेहनतीवर संघाने पाणी फिरू दिले नाही!
डॉमिनिक ड्रॅक्सने मैदानावर घेतलेली मेहनत त्याच्या सहकारी खेळाडूंनी सुटू दिली नाही. डेव्हिड व्हिसेच्या ५ विकेट्समुळे गल्फ जायंट्सने शारजा वॉरियर्सला मोठी धावसंख्या करण्यापासून रोखले. प्रथम फलंदाजी करताना त्याला केवळ १०७ धावा करता आल्या, ज्याचा गल्फ जायंट्सच्या फलंदाजांनी सहज पाठलाग केला.
Web Title: Viral video Dominic drakes severely injured while taking catch on ground later on taken to hospital after broken hand in ILT20 match watch
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
