भारतीय संघाचा स्टार फलंदाज विराट कोहली लंडनला स्थायिक होणार असल्याच्या चर्चा गेल्या काही दिवसांपासून रंगत होत्या. यामागचं कारण नॅशनल ड्युटी आटोपली (भारतीय संघाकडून खेळले जाणारे क्रिकेट सामने) की, तो पत्नी अनुष्कासोबत लंडनमध्ये वास्त्यव्याला पसंती देताना दिसला. पण किंग कोहलीनं ३६ व्या वाढदिवस पत्नी अन् मुलांसोबत मायदेशात साजरा करण्याला पसंती देत सर्व चर्चा फोल ठरवल्याचे दिसून येते.
बर्थडे दिवशी विराट कोहलीची खास झलक; अनुष्कासोबत फोटोसाठीही दिली पोज
भारतीय संघाने नुकतीच घरच्या मैदानावर न्यूझीलंड विरुद्ध कसोटी मालिका खेळली. या मालिकेत विराट कोहलीही टीम इंडियाचा भाग होता. या मालिकेत ना कोहली चालला ना टीम इंडियाचा जलवा दिसला. पण याचा कोहलीच्या मूडवर फारसा नकारात्मक परिणाम अजिबात झालेला नाही. ऑस्ट्रेलिया दौऱ्याला जाण्याआधी कोहलीचा मूड एकदम फ्रेश दिसतोय. कोहली हा त्याच्या स्वत:च्या मालकीच्या One8 Commune रेस्टॉरंटमध्ये स्पॉट झाला. यावेळी त्याने अनुष्कासोबत फोटोसाठी पोज देत पापाराझीं गप्पा गोष्टी केल्याचा सीनही पाहायला मिळाला.
विराट-अनुष्का यांनी कॅज्यूल लूकला दिलीये पसंती
विराट कोहली आणि अनुष्का शर्मा यांचा हा व्हिडिओ सोशल मीडियावर चांगलाच व्हायरल होताना दिसत आहे. या व्हिडिओमध्ये किंग कोहलीनं ब्लू अँण्ड व्हाइट फ्लोरल शर्ट आणि काळ्या रंगाच्या पँटसह व्हाइट स्नीकरला पसंती दिली आहे. त्याचा कॅज्युअल लूक एकदम परफेक्ट आणि झक्कास असाच दिसतोय. दुसरीकडे अनुष्का शर्मानं व्हाइट आउटफिट्सला पसंती दिल्याचे पाहायला मिळते.
ऑस्ट्रेलिया दौऱ्यावर दमदार कमबॅक करेल, अशी आस
न्यूझीलंड विरुद्धच्या घरच्या मैदानातील कसोटी मालिकेनंतर भारतीय संघ ऑस्ट्रेलिया दौऱ्यावर जाणार आहे. या दौऱ्यात किंग कोहलीनं विराट कामगिरी करून दमदार कमबॅक करावे, अशीच त्याच्या चाहत्यांची इच्छा आहे. सध्याच्या घडीला त्याचा फॉर्म गायब असला तरी मोठ्या स्पर्धेत दिमाखात कमबॅक करण्यात तो माहिर आहे. ऑस्ट्रेलिया दौऱ्यात पुन्हा तो ही गोष्ट दाखवून देईल हीच अपेक्षा आहे.