पाकिस्तानचा क्रिकेट संघ कसोटी मालिकेसाठी ऑस्ट्रेलियात दाखल झाला आहे. पण,व्हिसा आणि पासपोर्ट समस्यांमुळे ऑस्ट्रेलियातील राष्ट्रीय वरिष्ठ क्रिकेट संघ डॉक्टरशिवाय आणि UAE मधील १९ वर्षांखालील संघाला संघ व्यवस्थापकाशिवाय प्रवास करावा लागला. ऑस्ट्रेलिया आणि न्यूझीलंडमधील मालिकेसाठी अधिकृत टीम डॉक्टर म्हणून नाव देण्यात आलेला सोहेल सलीम अद्याप संघासोबत आलेला नाही. पाकिस्तान क्रिकेट बोर्डाच्या ( PCB) सूत्राने सांगितले की, “पाकिस्तान क्रिकेट बोर्ड अजूनही डॉ. सलीमसाठी व्हिसा मिळविण्याचा प्रयत्न करत आहे आणि तो येताच ते पर्थमधील पहिल्या कसोटीसाठी संघात सामील होईल.”
त्याचप्रमाणे माजी कसोटी फलंदाज, शोएब मुहम्मद ज्याला UAE मध्ये आशिया कपमध्ये भाग घेणार्‍या पाकिस्तानच्या ज्युनियर संघाचा व्यवस्थापक म्हणून नियुक्त करण्यात आले होते, तो देखील संघासोबत प्रवास करू शकलेला नाही. "शोएबकडे काही मुदत संपलेला पासपोर्ट होता आणि ही समस्या बोर्ड सोडवत आहे आणि आशा आहे की तो लवकरच यूएईला जाऊन पदभार स्वीकारेल," सूत्राने सांगितले.
दरम्यान, व्हिसा समस्येमुळे ऑफ स्पिनर साजीद खानही ऑस्ट्रेलियात दाखल झालेला नाही आणि तो अब्रार अहमदच्या जागी पहिल्या सामन्यात खेळण्याची शक्यता आहे. अहमदला सराव सामन्याच्या तिसऱ्या दिवशी दुखापत झाली आणि १४ डिसेंबरपासून सुरू होणाऱ्या पहिल्या कसोटीतून त्याला माघार घ्यावी लागली आहे.
पाकिस्तानचा कसोटी संघ - शान मसूद, आमीर जमाल, अब्दुल्लाह शफिक, अब्रार अहमद, बाबर आजम, फहीम अश्रफ, हसन अली, इमाम-उल-हक, खुर्रम शहजाद, मीर हम्झा, मोहम्मद रिझवान, मोहम्मद वसीम ज्यु. नोमन अली, सईम आयुब, सलमान अली आघा, सर्फराज अहमद, सौद शकीन, शाहीन शाह आफ्रिदी.
ऑस्ट्रेलियाचा पहिल्या कसोटीसाठीचा संघ - पॅट कमिन्स, स्कॉट बोलंड, अॅलेक्स केरी, कॅमेरून ग्रीन, जोश हेझलवूड, ट्रॅव्हिस हेड, उस्मान ख्वाजा, मार्नस लाबुशेन, नॅथन लियॉन, मिचेल मार्श, लान्स मॉरिस, स्टीव्ह स्मिथ, मिचेल स्टार्क, डेव्हिड वॉर्नर
Web Title: Visa and passport issues have left the national senior cricket team in Australia without a doctor and the under-19 side in the UAE without a team manager
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
