ग्रोस आइलेट : ‘युनिव्हर्स बॉस’ ख्रिस गेलच्या तुफानी अर्धशतकाच्या जोरावर वेस्ट इंडीजने सलग तिसऱ्या टी-२० सामन्यात ऑस्ट्रेलियाला नमवताना ६ गड्यांनी बाजी मारली. या शानदार विजयासह विंडीजने पाच टी-२० सामन्यांच्या मालिकेत ३-० अशी विजयी आघाडी घेतली आहे. सामनावीर गेलने टी-२० क्रिकेटमध्ये १४ हजार धावांचा टप्पा गाठताना ऐतिहासिक कामगिरीही केली.
नाणेफेक जिंकून ऑस्ट्रेलियाने प्रथम फलंदाजी घेतली. मात्र, त्यांना २० षटकांत केवळ ६ बाद १४१ धावांचीच मजल मारता आली. यानंतर गेलच्या जोरावर विंडीजने १४.५ षटकांमध्येच ४ बाद १४२ धावा काढल्या. गेलने ३८ चेंडूंत ४ चौकार व ७ षटकारांचा पाऊस पाडत ६७ धावांचा विजयी तडाखा दिला. मार्च २०१६ मध्ये इंग्लंडविरुद्ध नाबाद १०० धावा केल्यानंतर पहिल्यांदाच गेलने आंतरराष्ट्रीय टी-२० सामन्यात ५० हून अधिक धावा फटकावल्या.
अव्वल फलंदाजख्रिस गेल ४३१ १४०३८पोलार्ड ५४५ १०८३६शोएब मलिक ४२५ १०७४१डेव्हिड वॉर्नर ३०४ १००१७