WPL Auction 2023 Live : १.८० कोटींत हरमनप्रीत कौर Mumbai Indiansच्या ताफ्यात, गुजरात जायंट्सने ऑसी खेळाडूसाठी ३.२० कोटी मोजले

महिला प्रीमिअर लीगमध्ये मुंबई इंडियन्सने ९१२ कोटींत मुंबई, रॉयल चॅलेंजर्स बंगळुरूने ९०१ कोटींत बंगळुरू, कॅप्री ग्लोबलने ७५७ कोटींत कोलकाता  आणि JSW ग्रुपने ८१० कोटींत बंगळुरूचे हक्क जिंकले आहेत.

Women’s Premier League 2023 auction Live : पहिल्या वहिल्या महिला प्रीमिअर लीग २०२३ साठी आज मुंबईत लिलाव प्रक्रिया पार पडत आहे. महिला प्रीमिअर लीगमध्ये मुंबई इंडियन्सने ९१२ कोटींत मुंबई, रॉयल चॅलेंजर्स बंगळुरूने ९०१ कोटींत बंगळुरू, कॅप्री ग्लोबलने ७५७ कोटींत कोलकाता  आणि JSW ग्रुपने ८१० कोटींत बंगळुरूचे हक्क जिंकले आहेत. गुजरात जायंट्स, यूपी वॉरियर्स, मुंबई इंडियन्स, रॉयल चॅलेंजर्स बंगळुरू आणि दिल्ली कॅपिटल्स अशी संघांची नावं ठरवली गेली आहेत.

स्मृती मानधना रॉयल चॅलेंजर्स बंगळुरूकडून खेळणार; मुंबई इंडियन्सच्या प्रयत्नांना अपयश

पहिल्या सेटमध्ये सोफी डिव्हाईन ( न्यूझीलंड-, सोफी एक्लेस्टन ( इंग्लंड), अॅशली गार्डनर ( ऑस्ट्रेलिया), हरमनप्रीत कौर व स्मृती मानधना ( भारत), हॅली मॅथ्यू ( वेस्ट इंडिज), एलिसे पेरी ( ऑस्ट्रेलिया) यांच्यावर बोली लागणार आहे.  इंडियन प्रीमिअर लीगच्या २००८च्या पहिल्या लिलावात ९.५ कोटींसह महेंद्रसिंग धोनी सर्वात महागडा खेळाडू ठरला होता.

महिला प्रीमिअर लीगमध्ये हा मान कोण पटकावतोय याची उत्सुकता आहे. स्मृती मानधनाचे पहिले नाव येताच मुंबई इंडियन्सच्या निता अंबानी यांनी पॅडल उचलला. त्यानंतर रॉयल चॅलेंजर्स बंगळुरू यांनी बोली लावण्यास सुरुवात  केली. २.६० कोटी पर्यंत दोन्ही फ्रँचायझींमध्ये चुरस रंगली. स्मृतीने ११२ ट्वेंटी-२० सामन्यांत ११२च्या स्ट्राईक रेटने २६५१ धावा केल्या आहेत. RCB ने ३.४० कोटींत तिला आपल्या ताफ्यात घेतले. 

HISTORIC 🥁 @mandhana_smriti becomes the first-ever player to be sold at the #WPLAuction 🔨

👉 Goes to @RCBTweets#WPL#WPLonJioCinema#WomensPremierLeaguepic.twitter.com/CNHphpXV7B

— JioCinema (@JioCinema) February 13, 2023

 अॅशली गार्डनर ( ऑस्ट्रेलिया) साठी गुजरात जायंट्सने ३.२ कोटी रुपये मोजले.  एलिसे पेरीला १.७० कोटींत RCB ने आपल्या ताफ्यात घेतले.  RCB ने आणखी एक स्टार खेळाडू सोफी डिव्हाईनला मुळ किंमत ५० लाखात आपल्या संघात सहभागी करून घेतले. भारताची कर्णधार हरमनप्रीत कौर हिच्यासाठी मोठी बोली लागली जाईल अशी अपेक्षा होती. RCB आणि दिल्ली कॅपिटल्स यांनी एक कोटीपर्यंत  तिच्यासाठी बोली लावली. पण, १.१० कोटी होताच मुंबई इंडियन्सने एन्ट्री घेतली. मुंबईने १.८० कोटींत तिला आपल्या संघात घेतले.  

Marvelous Mandhanna goes for big 💸 in #WPLAuction 👌

The sensational 🇮🇳 batter @mandhana_smriti joins @RCBTweets ✨#WomensPremierLeague#WomensCricket#JioCinema#Sports18#AuctionFever#CricketAuction#CricketFans#WPLpic.twitter.com/cXSNGw95N9— JioCinema (@JioCinema) February 13, 2023

Sophie Devine sold to RCB at 50 Lakhs.