मोहम्मद शमीनं विकेट्स घेण्याचे सत्र सुरू केल्यानंतर विराट कोहलीचा मैदानावरील जोश अधिकच वाढलेला पाहायला मिळाला. तो उपस्थित प्रेक्षकांना टीम इंडियाला चिअर करण्यासाठी बोलत होता. साऊदॅम्प्टनच्या हवामानानं सर्वांना हैराण केलं आहे. टीम इंडियाचा कर्णधार विराट कोहली थंडीनं कुडकुडत होता. मोहम्मद शमीनं थंडीमुळे टॉवेल गुंडाळला होता. थंडीमुळे विराट हात हातावर घासताना दिसला अन् त्याची ही कृती पाहून बाजूलाच उभ्या असलेल्या रोहित शर्मानं भारी रिअॅक्शन दिली. सध्या सोशल मीडियावर हा व्हिडीओ व्हायरल झाला आहे.
पाहा व्हिडीओ..
कॉलिन डी ग्रँडहोम ( १३) व कायले जेमिन्सन ( २१) यांनी पिछाडी भरून काढण्यासाठी झटपट धावा केल्या. पण, त्यांनाही शमीनं माघारी पाठवले. केन एका बाजूनं खेळपट्टीवर तग धरून होता अन् त्यानं तळाच्या फलंदाजांना सोबतीला घेऊन न्यूझीलंडला आघाडी मिळवून दिली. इशांत शर्मानं त्याची विकेट घेतली. पाचव्या दिवसाचे पहिलेच षटक टाकणाऱ्या आर अश्विननं किवींना ९वा झटका दिला. रवींद्र जडेजानं किवींच्या दहाव्या फलंदाजाला माघारी पाठवले. न्यूझीलंडनं पहिल्या डावात २४९ धावा केल्या. WTC Final 2021, WTC Final 2021, Ind vs NZ Test Final