कोहली-स्मिथ येणार आमनेसामने... पाँटिंग, गावसकरांचा 'तो' विक्रम आधी कोण मोडेल?

इंग्लंडच्या खेळपट्टीवर विराट आणि स्मिथमध्ये फलंदाजीची जुगलबंदी पाहायला मिळणार आहे

Virat Kohli Steve Smith, WTC Final 2023 IND vs AUS: आयसीसी वर्ल्ड टेस्ट चॅम्पियनशिपच्या अंतिम सामन्यात टीम इंडिया आणि ऑस्ट्रेलिया यांच्यात सामना होणार आहे. उभय संघांमधील हा सामना लंडनमधील ओव्हल मैदानावर ७ जूनपासून खेळवला जाणार आहे. या वर्षी झालेल्या कसोटी मालिकेत भारताने ऑस्ट्रेलियन संघाचा 2-1 असा पराभव केला, त्यामुळे तो नव्या उत्साहाने मैदानात उतरणार आहे. तसे, इंग्लिश परिस्थितीत ऑस्ट्रेलियन संघाला पराभूत करणे सोपे होणार नाही.

त्या विक्रमावर दोघांची नजर

या सामन्यात सर्वांच्या नजरा दोन दिग्गजांवर खिळल्या आहेत. एक भारताचा माजी कर्णधार विराट कोहली आणि दुसरा ऑस्ट्रेलियाचा उपकर्णधार स्टीव्ह स्मिथ. अंतिम सामन्यात कोहली आणि स्मिथ आपापल्या संघासाठी खूप महत्त्वाचे ठरतील. या अंतिम सामन्यात या दोन्ही फलंदाजांना मोठा विक्रम करण्याची संधी आहे. भारत आणि ऑस्ट्रेलिया यांच्यातील कसोटी सामन्यात स्टीव्ह स्मिथ आणि विराट कोहली यांची 8-8 शतके आहेत. सध्या, भारत आणि ऑस्ट्रेलिया यांच्यातील कसोटी क्रिकेटमध्ये सर्वाधिक शतके झळकावण्याच्या बाबतीत दोन्ही खेळाडू सध्या रिकी पाँटिंग आणि सुनील गावस्कर यांच्यासोबत संयुक्त दुसऱ्या क्रमांकावर आहेत. अशा परिस्थितीत कोहली आणि स्टीव्ह स्मिथला पाँटिंग आणि गावसकर यांना मागे टाकण्याची संधी आहे. त्यामुळे आता पाहावे लागेल की या दोन खेळाडूंपैकी कोण प्रथम हा विक्रम मोडतो.

सचिन तेंडुलकर इथेही अव्वल नंबर

भारत आणि ऑस्ट्रेलिया यांच्यातील कसोटी क्रिकेटमध्ये सर्वाधिक (११) शतके झळकावण्याचा विक्रम सचिन तेंडुलकरच्या नावावर आहे. विराट कोहलीने या वर्षी ऑस्ट्रेलियाविरुद्ध शेवटचे कसोटी शतक झळकावले. कोहलीला आता सलग दुसरे शतक झळकावण्याची संधी आहे.

भारत आणि ऑस्ट्रेलिया यांच्यातील कसोटीतील सर्वाधिक शतके:

• सचिन तेंडुलकर - ३९ सामने - ११ शतके
• सुनील गावस्कर - २० सामने - ८ शतके
• स्टीव्ह स्मिथ - १८ - सामने - ८ शतके
• विराट कोहली - २४ सामने - ८ शतके
• रिकी पाँटिंग - २९ सामने - ८ शतके