WTC Final 2023 IND vs AUS, London Weather Update : भारत आणि ऑस्ट्रेलिया यांच्यातील आयसीसी वर्ल्ड टेस्ट चॅम्पियनशिपच्या फायनलची वेळ आता अगदीच जवळ आली आहे. या विजेतेपदाच्या सामन्याची प्रतीक्षा आता संपणार आहे. लंडनच्या ओव्हल मैदानावर उद्यापासून हे दोन्ही संघ आयसीसी ट्रॉफी जिंकण्यासाठी जय्यत तयारीने उतरणार आहेत. भारत दुसऱ्यांदा फायनल खेळणार आहे, पण ऑस्ट्रेलियाने पहिल्यांदाच फायनलमध्ये धडक मारली आहे. या सामन्यातील दोन्ही संघांसोबतच ओव्हलची खेळपट्टी आणि लंडनमधील हवामान कसे असेल याकडे सर्वांच्या नजरा लागल्या आहेत.
इंग्लंडमध्ये खेळपट्टी साधारणपणे गोलंदाजांना अनुकूल मानली जाते. येथे चेंडू अधिक स्विंग होतो, त्यामुळे उपखंडातील फलंदाजांना येथे फलंदाजी करणे कठीण जाते. त्याच वेळी, लंडनचे हवामान देखील असे आहे की पाऊस कधीही येऊ शकतो.
खेळपट्टी कशी आहे?
ओव्हलच्या खेळपट्टीबाबत, इंग्लंडचा माजी फिरकीपटू मॉन्टी पानेसर याने पीटीआय या वृत्तसंस्थेला सांगितले होते की, हे वानखेडेसारखे आहे म्हणजेच या खेळपट्टीवर उसळी असेल. पिच क्युरेटरनेही या खेळपट्टीवर उसळी असेल याची पुष्टी केली आहे. अश्विनने त्याच्या यूट्यूब चॅनलवर एक व्हिडिओ पोस्ट केला आहे ज्यामध्ये तो ओव्हलच्या पिच क्युरेटरशी बोलतो आणि खेळपट्टीबद्दल विचारतो. याला प्रत्युत्तर देताना, खेळपट्टी क्युरेटर म्हणतो की पिचवर बाउंस असणे बंधनकारक आहे.
या खेळपट्टीवर बाऊन्ससोबतच स्विंगही उपलब्ध असेल. या मालिकेत कॉमेंट्रीसाठी आलेला भारताचा यष्टिरक्षक-फलंदाज दिनेश कार्तिक याने सोमवारी खेळपट्टीचा एक फोटो ट्विट केला होता, ज्यामध्ये खेळपट्टीवर गवत दिसत आहे. सामन्यापूर्वी हे गवत कमी होणार असले तरी, तरीही ते होऊ शकते. हे फोटो पाहून अंदाज येतो. ही खेळपट्टी गोलंदाजांसाठी अनुकूल असेल असा अंदाज बांधता येतो.
हवामान खेळ खराब करेल!
या सामन्यादरम्यान हवामान पाहिल्यास सामना सुरू होईल त्या दिवशी हवामान स्वच्छ असेल आणि पावसाची शक्यता नाही. दुसऱ्या दिवशीही पावसाची शक्यता नाही. तिसऱ्या दिवशीही तापमानात किंचित वाढ होण्याची शक्यता आहे पण तरीही पावसाची भीती नाही. चौथ्या आणि पाचव्या दिवशी थोडीशी अडचण येऊ शकते. चौथ्या दिवशी हलका पाऊस पडण्याची शक्यता आहे. तसेच जोरदार वारे वाहण्याची शक्यता आहे. तर पाचव्या दिवशीही पावसाची शक्यता व्यक्त करण्यात आली आहे. या दिवशी 1.4 मिमी पर्यंत पाऊस पडू शकतो.
Web Title: WTC Final 2023 weather forecast of Oval Ground London for next five days of Test IND vs AUS
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
