Pakistan Plane Crash : विमान अपघातात पाक फिरकीपटू यासीर शाहचा मृत्यू? जाणून घ्या सत्य

Pakistan Plane Crash : विमान अपघातात तब्बल 97 जणांचा मृत्यू झाला आहे.

By ऑनलाइन लोकमत | Published: May 23, 2020 03:43 PM2020-05-23T15:43:11+5:302020-05-23T15:44:13+5:30

Join us

Pakistan Plane Crash : विमान अपघातात पाक फिरकीपटू यासीर शाहचा मृत्यू? जाणून घ्या सत्य

Join us

पाकिस्तान इंटरनॅशनल एअरलाईन्सच्या विमानाला शुक्रवारी (22 मे) भीषण अपघात झाला आहे. लाहोरहून कराचीला जाणारं हे विमान कराची विमानतळावर उतरण्याच्या आधी अपघातग्रस्त झालं. विमानतळाजवळ असणाऱ्या रहिवाशी भागात विमान कोसळलं असून यामध्ये तब्बल 97 जणांचा मृत्यू झाला असून दोन जण यातून वाचले असल्याची माहिती मिळत आहे. मृतांमध्ये फिरकीपटू यासीर शाह याचा समावेश असल्याची चर्चा काल दिवसभर रंगली. सोशल मीडियावर त्याला श्रद्धांजलीही वाहण्यात आली. पण, हे खरं आहे का?

शाहिद आफ्रिदीनं दिली घटनास्थळी भेट, पाकिस्तानी फॅन्सनी घेतला समाचार

पीआयएचे हे विमान कॅप्टन सज्जाद गुल उडवत होते. पाकिस्तानातील माध्यमांनी दिलेल्या माहितीनुसार, विमान उतरण्याच्या बरोबर 10 मिनिटे आधी, विमानात तांत्रिक समस्या असल्याचे पायलटने सांगितले होते. यादरम्यान, एअर ट्राफिक कंट्रोल आणि पायलट यांच्यातील अखेरच्या संभाषणाचं रेकॉर्डिंगदेखील समोर आलं आहे. एअरबस ए320च्या पायलटचे रेकॉर्ड झालेले अखेरचे शब्द "विमानाचे इंजिन काम करत नाही," असे होते. त्यानंतर आता या विमान अपघाताचे सीसीटीव्ही फुटेज समोर आले.

Pakistani Test Cricketer Yasir Shah Died in Plane Crush Karachi..
According to BCC news Yasir shah was in the plane when this incident was happend😣
May Almighty Allah give him heighest rank in jannah pic.twitter.com/1l9gJ8LObp
— Chowdhary Iqbal Paswal (@paswal_iqbal) May 22, 2020

Heartfelt condolences with the bereaved families who lost their loved ones in Karachi Plane Crash Pakistani test cricketer yasir shah is no more@TheRealPCB @ShaziaM93195148 @naukarshah @rishikilam pic.twitter.com/DrLMAoCHtY
— Jugnu Malik (@JugnuMalik13) May 22, 2020

यासीर शाहच्या निधनाचे वृत्ता खोटं असून तो तंदुरुस्त आहे. त्यानं स्वतः ट्विट करून ही माहिती दिली. त्यानं लिहिलं की,''मी माझ्या घरी सुरक्षित आहे. मी त्या विमानानं प्रवास करत नव्हतो. या अपघातात मृत झालेल्यांना मी श्रद्धांजली वाहतो.'' पण, त्यानं हे ट्विट नंतर डिलिट केलं.