पण, पुरस्काराची ही रक्कम खेळाडूंना कशी वाटली जाईल? सर्व खेळाडूंना समसमान रक्कम मिळेल का? प्रशिक्षक राहुल द्रविड यांनाही चॅम्पियन खेळाडूंइतकेच पैसे मिळतील का? अशा असंख्य प्रश्नांची उत्तरे जाणून घेऊयात.
७ खेळाडू खेळलेच नाही भारताच्या १५ सदस्यीय संघातील युझवेंद्र चहल, संजू सॅमसन आणि यशस्वी जैस्वाल यांना टी-२० विश्वचषकात एकही सामना खेळण्याची संधी मिळाली नाही. या तिघांना न खेळताच ५ कोटी रुपये मिळणार आहेत.
या तिघांनाच संघात स्थान मिळू शकले नाही तर राखीव खेळाडूंसाठी टी-२० विश्वचषकात खेळणे अजून दूरचे होते. त्यामुळे एकूण सात खेळाडू न खेळताच मालामाल झाले.
राखीव खेळाडूंना १ कोटी अमेरिका आणि वेस्ट इंडिजच्या संयुक्त यजमानपदाखाली खेळवल्या गेल्या टी-२० विश्वचषकात भारत ४२ सदस्यांसह दाखल झाला होता. यात १५ प्रमुख खेळाडूंसह ४ राखीव खेळाडूंचासुद्धा समावेश होता.
युझवेंद्र चहल, यशस्वी जैस्वाल,संजू सॅमसन यांना ५-५ कोटी तर शुभमन गिल,रिंकू सिंग,खलील अहमद, आवेश खान यांना १-१ कोटी मिळणार आहेत.
...असे होणार वाटप माध्यमांमध्ये आलेल्या वृत्तानुसार, संघात असलेल्या सर्व १५ खेळाडूंना प्रत्येकी ५ कोटी रुपये देण्यात आले. याव्यतिरिक्त संघाचे मुख्य प्रशिक्षक राहुल द्रविड यांनासुद्धा ५ कोटींची धनराशी दिली गेली.
निवड समिती सदस्यांचीही चांदी द्रविड यांच्याव्यतिरिक्त इतर कोचिंग स्टाफला प्रत्येकी २.५ कोटी रुपये दिले जातील, सपोर्ट स्टाफमधील प्रत्येकाला २ कोटी, तर अजित आगरकर आणि निवड समिती सदस्यांना प्रत्येकी १ कोटी मिळाले आहेत.