विरुष्काचा दाखला देत अभिनेत्रीला शुबमन गिलसंदर्भात प्रश्न; ती म्हणाली आम्ही दोघे फक्त...

टीम इंडियातील प्रिन्स शुबमन गिल फिल्डबाहेरील डेटिंग सेटिंगच्या गोष्टींमुळे चर्चेत असल्याचे पाहायला मिळते.

भारतीय संघाचा स्टार क्रिकेटर शुबमन गिल क्रिकेटच्या मैदानातील कामगिरीशिवाय फिल्डबाहेरील डेटिंग-सेटिंगच्या गोष्टीमुळे चर्चेत असतो.

शुबमन गिलचे नाव हे सारा तेंडुलकर ते अगदी बॉलिवूड अभिनेत्री सारा अली खान हिच्यासोबतही जोडण्यात आल्याचे पाहायला मिळाले आहे.

त्यात आता आणखी एका नावाची भर पडली आहे. बॉलिवूड अभिनेत्री अनन्या पांडे एका जाहिरातीच्या निमित्ताने शुबमन गिलला भेटली अन् चाहत्यांमध्ये दोघांची 'जोडी जमली रे' हे गाणं वाजू लागलं.

एका चाहत्याने विचारलेल्या प्रश्नावर रिप्लाय देताना अनन्या पांडे हिने क्रिकेटर शुबमन गिलसोबतच्या रिलेशनशिपसंदर्भात रंगलेल्या चर्चेवर मौन सोडले आहे.

एका शोमध्ये अभिनेत्रीला चाहत्याने दिलेल्या कमेंटवरून प्रश्न विचारला होता. विराट कोहली आणि अनुष्का शर्मा ही जोडी जाहिरातीच्या शूट वेळी पहिल्यांदा भेटली. पुढे दोघांनी लग्नही केले. भविष्यात अनन्या- शुबमन गिल जोडी एकत्र आल्याचे पाहायला मिळेल का? असा तो प्रश्न होता.

शुबमन गिल आणि अनन्या पांडे ही जोडी नुकतीच एका जाहिरातीत झळकली होती. तेव्हापासूनच त्यांच्यात डेटिंगचा खेळ सुरु असल्याची चर्चा रंगू लागली.

यावर रिप्लाय देताना अनन्या पांडे म्हणाली की, "ते विराट अन् अनुष्का होते. मी वेगळी आहे. शुबमन गिलसोबत तसे काहीच नाही. आम्ही फक्त जाहिरातीच्या शूटसाठी एकत्र आलो. बाकी काही नाही."

सारा तेंडुलकर, सारा अली खान आणि अनन्या यांच्याशिवाय शुबमन गिलचं नाव टेलिव्हिजन अभिनेत्री रिद्धिमा पंडित सोबतही जोडण्यात आले होते. पण ती चर्चाही फक्त अफवाच ठरली.