भारताचा स्टार फलंदाज लोकेश राहुलचे नाव अभिनेता सुनील शेट्टीची मुलगी अथिया शेट्टी हिच्यासोबत गेल्या बऱ्याच दिवसांपासून जोडले जात आहे. मात्र आता के. एल. राहुल हा पंजाबी अभिनेत्री आणि मॉडेल सोनम बाजवा हिच्यामुळे चर्चेत आले आहे.
लोकेश राहुल आणि अथिया शेट्टी यांनी त्यांच्यामधील नात्याबद्दल उघडपणे काही भाष्य केलेले नाही. मात्र त्यांच्या सोशल मीडियावरील पोस्ट दोघांमध्ये मैत्रीच्या पुढचं नातं असल्याकडे इशारा करत आहेत.
मात्र आता राहुलचे नाव पंजाबी अभिनेत्री सोनम बाजवामुळे चर्चेत आले आहे. त्याचे झाले असे की, लोकेश राहुलने सोनम बाजवाच्या फोटोवर अशी काही कमेंट केली आहे की त्यानंतर सोशल मीडिया युझर लोकेश राहुलने अथिया शेट्टीची फसवणूक केल्याचा आरोप करू लागले आहेत.
सोनम बाजवाने एक फोटो शेअर केला आहे. त्याखाली सूर्य अस्तास जात आहे आणि मी तुझ्याबाबत विचार करत आहे, असे लिहून तिने हृदयाच्या इमोजीसह शेअर केले.
सोनमच्या या पोस्टवर के. एल. राहुलने केवळ एक कॉल दूर आहे, अशी कमेंट केली आहे. त्यानंतर सोशल मीडियावर नेटीझन्सनी शंका उपस्थित करत प्रश्नांची सरबत्ती सुरू केली आहे.