15 मार्च 1877 मध्ये आंतरराष्ट्रीय कसोटी क्रिकेटची सुरुवात झाली. ऑस्ट्रेलिया विरुद्ध इंग्लंड यांच्यात पहिला आंतरराष्ट्रीय कसोटी सामना खेळण्यात आला आणि त्यात ऑस्ट्रेलियानं बाजी मारली.
आतापर्यंत एकूण 4764 कसोटी सामने खेळले गेले आणि त्यात सर्वप्रथम हजार कसोटी सामने खेळण्याचा मान इंग्लंडनं पटकावला. इंग्लंडच्या नावावर 1022 कसोटी सामने आहेत. त्यापाठोपाठ ऑस्ट्रेलिया ( 830), वेस्ट इंडिज ( 545) आणि भारत ( 540) यांचा क्रमांक येतो.
इंग्लंडनं कसोटीत सर्वप्रथम 1000 सामने खेळण्याच्या विक्रमाबरोबर शुक्रवारी आणखी एक विक्रम नावावर केला. इंग्लंड सध्या दक्षिण आफ्रिकेविरुद्ध कसोटी सामना खेळत आहे आणि त्यात त्यांनी विश्वविक्रमाला गवसणी घातली.
आंतरराष्ट्रीय कसोटी क्रिकेटमध्ये 5 लाख धावा करणारा इंग्लंड हा पहिलाच संघ ठरला आहे. इंग्लंडच्या नावावर 5 लाख 6 धावा झाल्या आहेत.
सर्वाधिक धावा करणाऱ्या कसोटी संघांमध्ये टीम इंडिया फार दूर नसली तरी त्यांच्या आणि इंग्लंड यांच्यातील धावांच फरक भरपूर आहे.
सर्वाधिक धावा करणाऱ्या कसोटी संघांत ऑस्ट्रेलिया 432706 धावांसह दुसऱ्या क्रमांकावर आहेत. ऑस्ट्रेलियानं 830 सामन्यांत या धावा केल्या आहेत.
या क्रमवारीत टीम इंडिया 273518 धावांसह तिसऱ्या क्रमांकावर आहे. पण, टीम इंडियानं 34.03 च्या सरासरीनं या धावा केल्या आहेत, इंग्लंडची सरासरी ही 32.24 इतकी आहे.
वेस्ट इंडिजनं 545 कसोटी सामन्यांत 270441 धावा केल्या आहेत.
दक्षिण आफ्रिका 439 कसोटी सामन्यांत 216452 धावांसह या क्रमवारीत चौथ्या क्रमांकावर आहे.
त्यानंतर पाकिस्तान ( 209869), न्यूझीलंड ( 204172), श्रीलंका ( 145218) यांचा क्रमांक येतो.