ओव्हल, आयसीसी वर्ल्ड कप 2019 भारत वि. ऑस्ट्रेलिया : शिखर धवन आणि रोहित शर्मा यांनी पुन्हा एकदा भारतीय संघाला दमदार सुरुवात करून दिली. सुरुवातीला संयमी खेळ करून खेळपट्टीवर स्थिरावल्यानंतर गब्बर-हिटमॅन जोडीनं ऑस्ट्रेलियाच्या गोलंदाजांची धुलाई केली. या दोघांनी पहिल्या विकेटसाठी शतकी भागीदारी करताना विक्रमाला गवसणी घातली. धवनने वन डे क्रिकेटमधील 28वे वैयक्तिक अर्धशतक झळकावले, तर रोहितनं षटकार खेचून कॅप्टन कूल महेंद्रसिंग धोनीचा विक्रम मोडला. रोहितनेही कारकिर्दीतील 42 वे अर्धशतक पूर्ण केले. चला तर मग या जोडीची कमाल वाचूया...
