BGT Record : सर्वाधिक षटकार ठोकणाऱ्या टॉप ५ फलंदाजांच्या यादीत 'ओल्ड इज गोल्ड सीन'

बॉर्डर गावसकर स्पर्धेत सर्वाधिक षटकार मारण्याचा विक्रम कुणाच्या नावे माहितीये?

भारत आणि ऑस्ट्रेलिया यांच्यातील बॉर्डर गावसकर स्पर्धेची उत्सुकता आता शिगेला पोहचली आहे. भारतीय संघासमोर या दौऱ्यात ऐतिहासिक कामगिरीसह वर्ल्ड टेस्ट चॅम्पियनशिपच्या स्पर्धेत टिकून राहण्याचं आव्हान आहे.

मॉडर्न कसोटी क्रिकेटच्या जमान्यात अनेक खेळाडू मोठी फटकेबाजी करताना पाहायला मिळते. षटकार चौकारांची डील होते. पण तुम्हाला पटणार नाही की, बॉर्डर गावसकर ट्रॉफी स्पर्धेत सर्वाधिक षटकार मारणाऱ्या टॉप ५ च्या यादीत 'ओल्ड इज गोल्ड' सीन दिसून येतो.

भारतीय संघाचा विद्यमान कर्णधार हिटमॅन रोहित शर्मा सोडला तर BGT स्पर्धेत सर्वाधिक षटकार मारणाऱ्या फलंदाजांच्या यादीत जुन्या मंडळींचा दबदबा दिसून येतो.

मास्टर ब्लास्टर सचिन तेंडुलकर हा बॉर्डर गावसकर ट्रॉफी स्पर्धेतील सिक्सर किंग आहे. त्याने ३४ कसोटी सामन्यात २५ षटकार मारल्याचे पाहायला मिळाले आहे.

ऑस्ट्रेलिया-भारत यांच्यात रंगणाऱ्या कसोटी मालिकेत सर्वाधिक षटकार ठोकणाऱ्या फलंदाजांच्या यादीत मॅथ्यू हेडन दुसऱ्या क्रमांकावर आहे. त्याने १८ कसोटी सामन्यात २४ षटकार मारले आहेत.

भारताचा माजी कर्णधार महेंद्रसिंह धोनीही या यादीत आघाडीच्या पाच फलंदाजांमध्ये आहे. २९ कसोटी सामन्यात धोनीच्या भात्यातून १६ षटकार पाहायला मिळाले आहेत.

हिटमॅन रोहित शर्मा या यादीत चौथ्या क्रमांकावर आहे. बॉर्डर गावसकर ट्रॉफी स्पर्धेतील ११ कसोटी सामन्यात त्याच्या खात्यात १५ षटकारांची नोंद आहे.

ऑस्ट्रेलियन मायकेल क्लार्क या यादीत पाचव्या क्रमांकावर आहे. त्याने २२ कसोटीत १४ षटकार ठोकले आहेत.

बॉर्डर गावसकर ट्रॉफी स्पर्धेत विराट कोहली २४ कसोटी सामने खेळला आहे. त्याची कामगिरी दमदार असली तरी षटकारांच्या बाबतीत त्याचा निभाव लागत नाही. त्याच्या भात्यातून फक्त ५ षटकार आले आहेत. तो ९ खेळाडूंसह या यादीत २६ व्या क्रमांकावर आहे.