IND vs ENG 5th T20, Virat Kohli : विराट कोहलीनं विजयी चषकासह जे केलं ते साऱ्यांनी पाहिलं अन्...

India vs England 5th T20I या मालिकेत सूर्यकुमार यादव आणि इशान किशन यांनी टीम इंडियाकडून पदार्पण केलं. दोन्ही खेळाडूंनी संधीचं सोनं करताना कॅप्टन विराट कोहलीची ( Virat Kohli) शाब्बासकी मिळवली..

Ind Vs Eng 5th T20 Live Update Score : पाचव्या ट्वेंटी-20 सामन्यात रोहित शर्मा व विराट कोहली या नव्या जोडीनं टीम इंडियाच्या धावांचा मजबूत पाया रचला. रोहित व विराट या दोघांनी अर्धशतकी खेळी केली, तर सूर्यकुमार यादव ( Suryakumar Yadav) आणि हार्दिक पांड्या यांनीही हात धुवून घेतले. भारतानं २० षटकांत २ बाद २२४ धावा चोपून इंग्लंडविरुद्ध सर्वाधिक धावांचा विक्रम नावावर केला.

जोस बटलर ( Jos Buttler ) व डेवीड मलान ( Dawid Malan) यांनी दुसऱ्या विकेटसाठी शतकी भागीदारी करत भारतीय संघाचं टेंशन वाढवलं होतं, परंतु शार्दूल ठाकूरनं ( Shardul Thakur) मॅजिकल ओव्हर टाकली आणि टीम इंडियानं सामन्याला कलाटणी दिली. इंग्लंडला २० षटकांत ८ बाद १८८ धावाच करता आल्या आणि टीम इंडियानं हा सामना ३६ धावांनी जिंकून मालिका ३-२ अशी खिशात घातली

रोहितनं ३४ चेंडूंत ४ चौकार व ५ षटकार खेचून ६४ धावा केल्या. सूर्यकुमारनं १७ चेंडूंत ३ चौकार व २ षटकार खेचून ३२ धावा केल्या. विराटनं ट्वेंटी-२०तील २८वे अर्धशतक ३७ चेंडूंत पूर्ण केलं. हार्दिक पांड्या १७ चेंडूंत ४ चौकार व २ षटकार खेचून ३९ धावांवर नाबाद राहिला. विराट ५२ चेंडूंत ७ चौकार व २ षटकारांसह ८० धावांवर नाबाद राहिला.

लक्ष्याचा पाठलाग करताना इंग्लंडला पहिल्या षटकाच्या दुसऱ्या चेंडूवर भुवनेश्वर कुमारनं धक्का दिला. पण, जोस बटलर ( Jos Buttler ) व डेवीड मलान ( Dawid Malan) यांनी दुसऱ्या विकेटसाठी चेंडूंत १३० धावांची भागीदारी केली. १३व्या षटकात ही भागीदारी तुटली. या दोघांनी ८२ भुवीनं जोस बटलरला ( ५२) बाद केले.

ट्वेंटी-२० क्रिकेटमध्ये सर्वात जलद १००० धावांचा विक्रम डेवीड मलाननं नावावर केला. त्यानं २४ डावांत हा पराक्रम करताना बाबर आझम ( २६ डाव) व विराट कोहली ( २७) यांचा विक्रम मोडला. ( Dawid Malan becomes the quickest batsman to complete 1000 T20I run) १५व्या षटकात शार्दूल ठाकूरनं सामन्याला कलाटणी दिली. त्यानं जॉनी बेअरस्टो ( ७) व मलान य़ांना बाद केले. मलान ४६ चेंडूंत ९ चौकार व २ षटकारासह ६८ धावा करून माघारी परतला.

१ बाद १३० धावांवरून इंग्लंडचा डाव ५ बाद १४२ असा गडगडला. त्यानंतर टीम इंडियानं हा सामना सहज जिंकून मालिका ३-२ अशी खिशात घातली. मालिकेत सर्वाधिक धावा करणाऱ्या विराटला मॅन ऑफ दी सीरिजचा पुरस्कार मिळाला. तर या सामन्यात उत्तम गोलंदाजी करणाऱ्या भुवनेश्वर कुमार मॅन ऑफी दी मॅचचा मानकरी ठरला.

या सामन्यानंतर मिळालेली ट्रॉफी विराटनं सूर्यकुमार यादव व इशान किशन यांच्या हाती सोपवली. या दोघांनी या मालिकेतून टीम इंडियाच्या ट्वेंटी-२० संघात पदार्पण केलं. विराटच्या या कृतीचं कौतुक होत आहे.