बुमराची आई दलजित, ही शाळेमध्ये शिक्षिका होती. बुमराचे बाबा तो लहान असतानाच वारले. त्यानंतर त्यांच्या घरावर दु:खाचा डोंगर कोसळला.
आईकडून सर्वच लाड आता पूर्ण होत नव्हते. परिस्थिती बेताचीच होती. घर चालवायचं की जसप्रीतच्या क्रिकेटच्या वेडासाठी नवीन वस्तू घ्यायच्या, हा प्रश्न दलजित यांच्यापुढे होता. नक्कीच, त्यांनी घर चालवायला प्रधान्य दिलं.
जसप्रीतकडे त्यावेळी फक्त एक जोडी शूज होते, एक टी-शर्ट होतं. त्यावेळी तो मला शूज हवेत, म्हणून आईच्या मागे लागला होता.
ते दोघे एका शूजच्या दुकानात गेलेही, पण तिथे शूजची किंमत बघून ते परतले. तेव्हा सर्वात जास्त दु:ख जसप्रीतपेक्षा त्याच्या आईला झाले होते.
एका व्हिडीओमध्ये तिने या साऱ्या गोष्टी सांगितल्या, त्यावेळी दलजित यांना अश्रू अनावर झाल्याचे पाहायला मिळाले.
आयपीएलमधील मुंबई इंडियन्स संघाच्या मालकिण नीता अंबानी या लंडनमध्ये एका कार्यक्रमात बोलत होता. त्यावेळी त्यांनी ही आठवण सांगितली.
सध्याच्या घडीला बुमरा क्रिकेट विश्वातील अव्वल गोलंदाज आहे.