KL Rahul’s apartment : लोकेश राहुलचा Sea Facing आलीशान अपार्टमेंट, सुनील शेट्टीची लेक होणार या घरची सून!

KL Rahul’s apartment इंडियन प्रीमिअर लीगच्या 15व्या पर्वात लोकेश राहुल ( KL Rahul) नव्या इनिंगला सुरुवात करणार आहे.

इंडियन प्रीमिअर लीगच्या 15व्या पर्वात लोकेश राहुल ( KL Rahul) नव्या इनिंगला सुरुवात करणार आहे. आयपीएल 2022त नव्याने दाखल झालेल्या लखनौ सुपर जायंट्स ( Lucknow Super Giants ) संघाचे तो नेतृत्व सांभाळणार आहे.

लखनौ सुपर जायंट्स संघाने त्याला 17 कोटींत करारबद्ध केले आणि आयपीएल 2022मध्ये सर्वाधिक पगार घेण्याचा मान लोकेश राहुलला मिळाला आहे.

लोकेश राहुलकडे भारताचा भविष्याचा कर्णधार म्हणून पाहिले जात आहे. विराट कोहली व रोहित शर्मा यांच्या अनुपस्थितीत त्याने दक्षिण आफ्रिका दौऱ्यावरील कसोटी सामन्यात भारताचे नेतृत्व सांभाळले होते. पण, तो अपयशी ठरला.

लोकेश राहुल हा स्टायलिस्ट क्रिकेटपटू म्हणून ओळखला जातो आणि त्याचे व सुनिल शेट्टीची कन्या अथिया यांच्या प्रेमाच्या चर्चाही सुरू आहेत. हे दोघं अनेकदा एकत्रही दिसले आहेत आणि सोशल मीडियावर फोटोही पोस्ट केले आहेत.

लोकेश राहुलचे बंगळुरू येथे सी फेसिंग अपार्टमेंट आहे. त्याचं लिव्हिंग रुम साधं सिम्पल आहे आणि त्यात अत्याधुनिक सुविधांचा भडिमार नाही. दिवाळांवर हलके रंग दिसतील.

फिटनेस फ्रेंडली असलेल्या लोकेशने व्यायामासाठी बालकनीत खास सुविधा केलेली आहे.

लोकेश राहुल त्याचा अधिक काळ त्याच्या पाळीव कुत्र्यासोबत घालवतो. त्याचं नाव त्यानं किंग सिम्बा असे ठेवले आहे.