इंडियन प्रीमिअर लीगच्या ( आयपीएल) 13व्या मोसमासाला सुरुवात होण्यासाठी अवघे 24 दिवस शिल्लक आहेत. संयुक्त अरब अमिराती येथे 19 सप्टेबंरपासून सुरू होणाऱ्या आयपीएलसाठी सर्व संघ दुबईत दाखल झाले आहेत.
दुबई, अबु धाबी आणि शाहजाह येथे आयपीएलचे सामने होणार आहेत आणि येथे दाखल झाल्यानंतर खेळाडू 6 दिवसांच्या क्वारंटाईन कालावधीत आहेत. येथे प्रत्येक संघानं राहण्यासाठी आलिशान हॉटेल बूक केलं आहे. दुबईतील ओबेरॉय हॉटेल हे भारतीय क्रिकेट नियामक मंडळाचं ( बीसीसीआय) राहण्यासाठीचं ऑफिशियल हॉटेल आहे.
अन्य 8 संघांनी त्यांच्या आवडीनुसार हॉटेलची निवड केली आहे. त्यापैकी महेंद्रसिंग धोनीच्या चेन्नई सुपर किंग्स संघानं भारतीय हॉटेल निवडले आहे.
कोलकाता नाइट रायडर्स - रित्झ कार्ल्टन, अबु धाबी - कोलकाता नाइट रायडर्सचा सहमालक शाहरुख खाननं अबुधाबी येथील रित्झ कार्ल्टन हॉटेलची निवड केली आहे.
रॉयल चॅलेंजर्स बंगळुरू - वॅल्डोर्फ अॅस्टोरिया, दुबई - विराट कोहलीच्या नेतृत्वाखाली खेळणारा हा संघ दुबईतील वॅल्डोर्फ अॅस्टोरिया हॉटेलमध्ये राहत आहे.
सनरायझर्स हैदराबाद- अनंतारा दी पाल्म दुबई रेसॉर्ट
किंग्स इलेव्हन पंजाब - सोफिटेल दी पाल्म, दुबई
दिल्ली कॅपिटल्स - पॅलेस डॉऊनटाऊन, दुबई
राजस्थान रॉयल्स - वन अँड ओन्ली दी पाल्म, दुबई
मुंबई इंडियन्स - सेंट रेगीस, सादियात आयलँड रेसॉर्ट, अबु धाबी
चेन्नई सुपर किंग्स - ताज, दुबई - महेंद्रसिंग धोनीच्या नेतृत्वाखाली खेळणाऱ्या चेन्नई सुपर किंग्स हा एकमेव संघ आहे की ज्यांनी दुबईत राहण्यासाठी भारतीय हॉटेलची निवड केली आहे.