IPL 2021, Mumbai Indians vs Rajasthan Royals Live Updates : मुंबई इंडियन्सनं ( MI) आयपीएलमध्ये राजस्थान रॉयल्सवर ८ विकेट्स व ७० धावा राखून दणदणीत विजय मिळवला. या विजयानंतर मुंबईनं १२ गुणांसह पाचव्या क्रमांकावर झेप घेतली आहे आणि प्ले ऑफच्या आशा जीवंत राखल्या आहेत. जिमी निशॅम ( ३-१२) व नॅथन कोल्टर-नायल ( ४-१४) यांनी मिळून सात विकेट्स घेतल्या. जसप्रीत बुमराहच्याही नावावर २ विकेट्स राहिल्या.
मुंबईनं पहिल्या पॉवर प्लेमध्ये २ बाद ५६ धावा केल्या. पण, इशान किशन आज सुसाट होता, त्यानं चेतन सकारियानं टाकलेल्या ८व्या षटकात २४ धावा कुटल्या. मुंबईनं ८.२ षटकांत २ बाद ९४ धावा करून हा सामना जिंकला. इशान किशननं २५ चेंडूंत ५ चौकार व ३ षटकारासह नाबाद ५० धावा केल्या. मुंबईच्या या विजयानंतर संघ मालक मुकेश अंबानी ( Mukesh Ambani) यांचे भन्नाट मीम्स व्हायरल झाले.