Glenn Maxwell wedding card : ऑस्ट्रेलिया आणि रॉयल चॅलेंजर्स बंगळुरू ( RCB) संघाचा अष्टपैलू खेळाडू ग्लेन मॅक्सवेल पुढील महिन्यात लग्नबंधनात अडकणार आहे. इंडियन प्रीमिअर लीगच्या १५ व्या पर्वाला ज्या दिवशी सुरूवात होण्याची शक्यता आहे, त्याच दिवशी मॅक्सवेलचा विवाह होणार आहे.
RCBचा हा स्टार फलंदाज भारतीय वंशाच्या विनी रमण ( Vini Raman) हिच्याशी २७ मार्चला लग्न करणार आहे आणि त्यांच्या लग्नाची पत्रिका सोशल मीडियावर व्हायरल झाली आहे. तमिळ भाषेत छापण्यात आलेली पत्रिका पाहून मॅक्सवेल व रमण हे तामिळ पद्धतीने लग्न करणार असल्याचा अंदाज बांधला जात आहे.
अभिनेत्री कस्तुरी शंकरने ही लग्नपत्रिका सोशल मीडियावर शेअर केली आहे. त्यावर तिने लिहीले की,''ग्लेन मॅक्सवेल विनी रमण हिच्याशी लग्न करणार आहे. तमिळ पद्धतीने हे लग्न होणार आहे.''
२०१३ मध्ये मेलबर्न स्टार इव्हेंटमध्ये ग्लेन व विनी यांची पहिली भेट झाली.
बरीच वर्ष एकमेकांना डेट केल्यानंतर २०२०मध्ये भारतीय पद्धतीनेच दोघांनी साखरपुडा गेला.
अँचोरमॅन 2@ क्राऊन येथे त्यांची पहिली डेट झाली. ग्लेन मॅक्सवेलनं विनीला पहिलं I Love you म्हटले...
भारतीय वंशाची विनी ऑस्ट्रेलियन नागरिक आहे आणि ती मेलबर्न येथे फार्मासिस्टची प्रॅक्टीस करते..
विनी ऑस्ट्रेलियातील तामिळ कुटुंबातील आहे. व्हिक्टोरिया येथील Mentone Girls Secondary College मध्ये तिने वैद्यकिय शिक्षण पूर्ण केले.