Anushka Sharma Virat Kohli Fan IPL 2022 : अनुष्का शर्मा स्टेडियमवर आली; विराटच्या फिफ्टीवर भारीच खूश झाली, बाद होताच रुसली, पाहा Photos

IPL 2022 RCB vs GT Live Updates : राहुल तेवातिया आणि डेव्हिड मिलर यांनी पुन्हा एकदा गुजरात टायटन्सला थरारक विजय मिळवून दिला. विराट कोहलीच्या फॉर्मात परतलेल्या रॉयल चॅलेंजर्स बंगळुरूला GTच्या फलंदाजांनी धक्का दिला.

RCB ने विजयासाठी ठेवलेल्या १७१ धावांच्या लक्ष्याचा पाठलाग करताना गुजरातने १३ षटकांत ४ बाद ९५ धावा केल्या होत्या आणि त्यानंतर राहुल तेवातिया व डेव्हिड मिलर यांनी ४० चेंडूंत नाबाद ७९ धावा कुटून गुजरातला ६ विकेट्स व ३ चेंडू राखून विजय मिळवून दिला.

तत्पूर्वी विराट कोहली ५३ चेंडूंत ५८ धावा करताना फॉर्मात परतला. आयपीएल २०२२मधील हे त्याचे पहिलेच अर्धशतक ठरले. त्याला रजत पाटिदारच्या ३२ चेंडूंत ५२ धावांची साथ मिळाली. ग्लेन मॅक्सवेलने १८ चेंडूंत ३३ आणि महिपाल लोम्रोरने ८ चेंडूंत १६ धावा केल्या.

गुजरातकडून वृद्धीमान सहा (२९), शुबमन गिल ( ३१) व साई सुदर्शन ( २०) यांनी चांगली सुरूवात केली. हार्दिक पांड्या प्रथमच आयपीएल २०२२त एकेरी धावसंख्येवर बाद झाला. मिलरने २४ चेंडूंत नाबाद ३९, तर तेवातियाने २५ चेंडूंत नाबाद ४३ धावांची वादळी खेळी केली.

या सामन्यात विराट कोहलीला प्रोत्साहन देण्यासाठी आलेल्या अनुष्का शर्माने सर्वांचे लक्ष वेधले. विराटने षटकार-चौकार मारताच कॅमेरामनही अनुष्काकडे कॅमेरा वळवत होता. विराटच्या प्रत्येक धावेवर ती मनसोक्त आनंद व्यक्त करत होती.

विराटने ल्युकी फर्ग्युसनला मारलेला षटकार पाहून ती अवाक् झाली. याचवेळी अर्धशतकानंतर विराट जेव्हा बाद झाला तेव्हा निराशही दिसली...