लोकेश राहुलच्या पुनरागमनामुळे आता प्लेइंग इलेव्हनमध्ये कोणाला डावललं जातंय, याकडे सर्वांचे लक्ष लागले आहे. राहुलच्या अनुपस्थितीत मिळालेल्या संधीचं इशान किशनने सोनं केलं आहे आणि राहुल येताच त्याला बाहेर बसवले जाईल, अशी चर्चा आहे. पण, इशानने सलग चार वन डे सामन्यांत अर्धशतकं झळकावून सातत्य टीकवले आहे. त्यामुळे त्याला प्लेइंग इलेव्हनमधून बाहेर बसवल्यास त्याच्यावर अन्याय होईल.
