अखेरच्या सामन्यात अक्षर पटेलनंही उत्तम गोलंदाजी केली, तसंच त्याला मॅन ऑफ द मॅचही देण्यात आलं. "मी फलंदाजांच्या डोक्यात काय सुरू आहे हे ओळखण्याचा प्रयत्न करत आहे. या पिचची मदत होत होती आणि मी बॉल टर्नही करण्याचे प्रयत्न केले. या वर्षाच्या सुरूवातीला माझं कसोटी सामन्यातील पदार्पण उत्तम होतं आणि आयपीएलही उत्तम गेलं. आता माझी नजर कसोटी सामन्यावर आहे," असं अक्षर पटेल म्हणाला.
