Mumbai Indians Ishan Kishan: मुंबई इंडियन्सने मेगालिलावाआधी करारमुक्त केलेल्या डावखुऱ्या इशान किशनवर तब्बल १५ कोटी २५ लाखांची बोली लावली. रोहितबरोबरचा सलामीवीर आणि एक अनुभवी यष्टीरक्षक असं कॉम्बिनेशन मुंबईला मिळालं.
इशान किशनवर मेगा बोली लावण्यात आल्यानंतर त्याने आपल्या चाहत्यांसाठी खास व्हिडीओ मेसेज पोस्ट केला. इन्स्टाग्रामवरील या व्हिडीओला खूप लाईक्स मिळाल्या. त्यातच एका कमेंटने साऱ्यांचंच लक्ष वेधून घेतलं.
इशान किशनच्या व्हिडीओवर एका हॉट अभिनेत्रीने कमेंट केली होती, 'मला तुझा अभिमान आहे.' ती मॉडेल-अभिनेत्री म्हणजे, आदिती हुंडिया. याआधीही अनेकदा ती इशानची गर्लफ्रेंड असल्याची चर्चा रंगली आहे.
आदिती आणि इशान हे एकमेकांना डेट करत असल्याची चर्चा गेली दोन-तीन वर्ष सोशल मीडियावर रंगल्याचं दिसत आहे. आदिती आणि इशानचे काही फोटोदेखील त्यांनी सोशल मीडियावर पोस्ट केले होते, पण नंतर ते फोटो त्यांनी डिलीट करण्यात आल्याचं सांगितलं जातं.
मुंबई इंडियन्स आणि CSK यांच्यातील २०१९ च्या IPL FINAL सामन्यात आदिती मुंबईच्या संघाला सपोर्ट करण्यासाठी स्टेडियममध्ये आली होती. त्यावेळी ही तरूणी कोण, यावरून बरीच चर्चा झाली होती.
IPL 2019 FINAL नंतर इशान आदितीचे फोटो सोशल मीडीयात बरेच व्हायरल होऊ लागले आणि हे एकमेकांना डेट करत असल्याची चर्चा रंगली. पण अद्याप दोघांपैकी एकानेही यावर कोणतीही प्रतिक्रिया दिलेली नाही. पण इशानच्या ताज्या व्हिडीओवरील आदिती कमेंट 'लक्षवेधी' ठरली आहे.
मूळची राजस्थानची असलेली आदिती ही मॉडेल आणि अभिनेत्री आहे. आतापर्यंत आदितीने म्युझिक व्हिडीओ आणि जाहिरातींमध्ये अभिनय केला आहे. आदितीने ब्युटी कॉन्टेस्ट स्पर्धा गाजवल्या आहेत.
२०१७ च्या मिस इंडिया स्पर्धेत ती फायनल फेरीपर्यंत पोहोचली होती. तर २०१८ या वर्षी तिने 'मिस सुपरनॅचरल इंडिया' हा किताबही पटकावला.
एका IPL सामन्यानंतर इशान किशनचा फोटो पोस्ट करून त्याला 'बेबी' असं संबोधल्याने ती चर्चेत आली होती. त्यानंतर आता ताज्या कमेंटमुळे त्या दोघांच्या अफेयरची पुन्हा एकदा चर्चा रंगली आहे.