पण, गौतम गंभीरच्या मते या वर्ल्ड कप स्पर्धेत खरा गेम चेंजर श्रेयस अय्यर आहे. गंभीरने वर्ल्ड कप फायनलपूर्वी स्टार स्पोर्ट्स शोमध्ये आपले मत व्यक्त केले. तो म्हणाला, “हे बघ मी काहीतरी मोठे बोलणार आहे. विराट कोहलीने चांगली खेळी केली आहे, पण माझ्यासाठी न्यूझीलंडविरुद्धच्या सामन्याचा खरा गेम चेंजर श्रेयार अय्यर आहे. पहिला वर्ल्ड कप खेळणाऱ्या या खेळाडूने किती शानदार फलंदाजी केली. त्याने सलग दोन शतके झळकावली आहेत आणि अंतिम फेरीतही तो खरा गेम चेंजर ठरू शकतो.”
