इंडियन प्रीमिअर लीगमधील ( आयपीएल) सर्वात यशस्वी संघ म्हणून मुंबई इंडियन्स आणि चेन्नई सुपर किंग्स आघाडीवर आहेत.
मुंबई इंडियन्सने आयपीएलची ( 2013, 2015, 2017 आणि 2019) चार जेतेपद पटकावली आहेत, तर चेन्नई सुपर किग्सच्या नावावर (2010, 2011 आणि 2018) तीन जेतेपदं आहेत.
या दोन संघांचा मिळून एक संघ खेळवण्याचा विचार केला तर, कोणाला अंतिम अकरामध्ये स्थान मिळेल? मुंबई इंडियन्सचा कर्णधार रोहित शर्मा आणि चेन्नईचा फलंदाज सुरेश रैना यांनी MI व CSK यांचा मिळून एक संघ तयार केला आहे.
ही संघ निवड करताना रोहित आणि रैना यांनी स्वतःला निवड समितीच्या भूमिकेत ठेवले. त्यामुळे या संघात या दोघांना स्थान मिळालेलं नाही.
या दोघांनी सलामीवीर म्हणून सचिन तेंडुलकर आणि मॅथ्यू हेडन यांची निवड केली, तर त्यानंतर फॅफ ड्यू प्लेसिस, अंबाती रायुडू, किरॉन पोलार्ड आणि महेंद्रसिंग धोनी यांना निवडले.
अष्टपैलू म्हणून ड्वेन ब्राव्हो, हार्दिक पांड्या यांच्यासह रवींद्र जडेजानं संघात स्थान पटकावले आहे.
जसप्रीत बुमराह आणि हरभजन सिंग यांनी संघाच्या गोलंदाजाची फळी पूर्ण केली.
यावेळी रोहितनं मुख्य प्रशिक्षकाची जबाबदारी स्वीकारली, तर रैनाकडे क्षेत्ररक्षक प्रशिक्षकपद सोपवले.
असा आहे संघ - सचिन तेंडुलकर, मॅथ्यू हेडन, फॅफ ड्यू प्लेसिस, अंबाती रायुडू, किरॉन पोलार्ड, महेंद्रसिंग धोनी, ड्वेन ब्राव्हो, हार्दिक पांड्या, रवींद्र जडेजा, जसप्रीत बुमरा, हरभजन सिंग