पहिल्यांदा बॅट हातात घेतल्यापासून सचिन नावाच्या वादळाने उत्तम कामगिरीच्या जोरावर चाहत्यांचं मन भारावून टाकलं ते कायमचंच! एका मध्यमवर्गीय कुटुंबात जन्मलेल्या सचिनने मेहनत व चिकाटीच्या जोरावर संपूर्ण विश्वाला आपलंसं केलं. अशा या मास्टर ब्लास्टर सचिनच्या, खेळपट्टीवर सराव करतानाच्या काही जुन्या आठवणी
१) प्रशिक्षक रमाकांत आचरेकर सरांच्या मार्गदर्शनाखाली सचिन तेंडुलकर क्रिकेटचं तंत्र शिकला.
२) सचिन तब्बल १२-१५ तास मैदानावर असायचा. झपाटल्यागत सराव करायचा. बारीक-बारीक चुका सुधारण्यासाठी झोकून द्यायचा.
३) सचिन स्वत:च्या फिटनेसकडे खास लक्ष देत असे. त्याच उद्देशाने षटकार किंवा चौकार न मारता एकेरी-दुहेरी धावा घेण्यावर त्याचा भर असायचा.
४) सचिनने स्वत:च्या खेळासोबतच त्याच्या डाएटवर खास लक्ष ठेवलं. म्हणून तो २४ वर्षं पूर्ण ताकदीने खेळू शकला.
५) प्रामाणिकपणे केलेला सराव व मेहनत नेहमीच आपल्याला यश मिळवून देते, हा महत्त्वाचा सल्ला सचिन आपल्या चाहत्यांना देतो.