आयपीएलच्या लिलावात सर्वांचं लक्ष वेधून घेणारी 'ती' आहे जुही चावलाची मुलगी

यावेळी झालेल्या आयपीएलच्या लिलावात एका तरुण चेह-याने सर्वांचं लक्ष वेधून घेतलं होतं. हा चेहरा दुस-या तिस-या कोणाचा नाही तर अभिनेत्री जुही चावलाच्या मुलीचा होता. जान्हवी पहिल्यांदाच आयपीएल लिलावात सामील झाली होती.

90 च्या दशकात आघाडीच्या अभिनेत्रींपैकी एक असलेल्या जुही चावलाची मुलगी जान्हवीचं नाव यावेळी चांगलंच चर्चेत आलं आहे.

कोलकाता नाइट रायडर्सकडून बोली लावणारी जान्हवी अभिनेत्री जुही चावला आणि व्यवसायिक जय मेहता यांची मुलगी आहे. आयपीएल लिलावात सहभागी होणारी जान्हवी सर्वात तरुण चेहरा ठरली.

जान्हवी सध्या 16 वर्षांची आहे. तिने धिरुभाई अंबानी शाळेतून दहावीपर्यंत शिक्षण घेतलं. सध्या ती लंडनमध्ये शिक्षण घेत आहे.

जुही चावला आपल्या मुलांच्या बाबतीत खूपच प्रोटेक्टिव्ह होती. त्यामुळेच तिने जान्हवीला नेहमीच लाइमलाइटपासून दूर ठेवणं पसंत केलं.

आयपीएल लिलावानंतर अभिनेत्री प्रिती झिंटाने जान्हवीसोबत फोटो शेअर केला

दीपिका पदुकोण आणि वरुण धवन जान्हवीचे आवडते कलाकार आहेत. तिचं लेखक होण्याचं स्वप्न आहे.