कोरोना व्हायरसच्या संकटात इंडियन प्रीमिअर लीगच्या ( आयपीएल) 13 व्या मोसमावर अनिश्चिततेचं सावट अजूनही कायम आहे. 29 मार्चपासून सुरू होणारी आयपीएल स्पर्धा तीन वेळा स्थगित करण्यात आली.
देशातील लॉकडाऊन वाढला असल्यानं ही स्पर्धा खेळवली जाईल की नाही याबाबत अजूनही संभ्रमाचं वातावरण आहे. आयपीएल न झाल्यात भारतीय क्रिकेट नियामक मंडळाला ( बीसीसीआय) 4000 कोटींचा फटका बसणार आहे.
बीसीसीआयच्या सूत्रांच्या माहितीनुसार आयपीएल स्पर्धा 25 सप्टेंबर ते 1 नोव्हेंबर या कालावधीत घेण्याचा विचार सूरू आहे.
या कालावधीत ट्वेंटी-20 वर्ल्ड कप स्पर्धा होणार आहे आणि ती रद्द झाल्यास त्या कालावधीत आयपीएल खेळवली जाऊ शकते, असा विचार सध्या सुरू आहे.
आयपीएल होत नसल्यानं चाहत्यांची मात्र हिरमोड होत आहे. पण, त्यांच्यासाठी एक आनंदाची बातमी समोर आली आहे. आयपीएल चाहत्यांसाठी स्टार स्पोर्ट्स वाहिनीतर्फे ही गोड बातमी देण्यात आली आहे.
24 मे पासून स्टार स्पोर्ट्स वाहिनी आयपीएलच्या 12व्या मोसमाचे 12 अंतिम सामन्यांचं पुनःप्रक्षेपण करणार आहेत.
24 मे ला मुंबई इंडियन्स आणि चेन्नई सुपर किंग्स यांच्यातील 2019च्या आयपीएलचा अंतिम सामना सकाळी 11 वाजता दाखवला जाणार आहे. त्यानं 2018चा अंतिम सामना दुपारी 3 वाजता दाखवला जाईल. चेन्नई सुपर किंग्स आणि सनरायझर्स हैदराबाद यांच्यात हा सामना खेळवला गेला होता.
25 मे - मुंबई इंडियन्स वि. रायजिंग पुणे सुपरजायंट्स ( 2017) - सकाळी 11 वाजता; सनरायझर्स हैदराबाद वि. रॉयल चॅलेंजर्स बंगळुरू ( 2016) - दुपारी 3 वाजता.
26 मे - मुंबई इंडियन्स वि. चेन्नई सुपर किंग्स ( 2015)- सकाळी 11 वाजता; कोलकाता नाईट रायडर्स वि. किंग्स इलेव्हन पंजाब ( 2014) - दुपारी 3 वाजता
28 मे - चेन्नई सुपर किंग्स वि. रॉयल चॅलेंजर्स बंगळुरू ( 2011) - सकाळी 11 वाजता; चेन्नई सुपर किंग्स वि. मुंबई इंडियन्स ( 2010) दुपारी 3 वाजता
27 मे - मुंबई इंडियन्स वि. चेन्नई सुपर किंग्स ( 2013) - सकाळी 11 वाजता; कोलकाता नाईट रायडर्स वि. चेन्नई सुपर किंग्स - दुपारी 3 वाजता
29 मे - दिल्ली कॅपिटल्स वि. रॉयल चॅलेंजर्स बंगळुरू ( 2009) - सकाळी 11 वाजता; राजस्थान रॉयल्स वि. चेन्नई सुपर किंग्स ( 2008) - दुपारी 3 वाजता;