भारतीय संघाचा स्टार यष्टीरक्षक फलंदाज इशान किशन सध्या देशांतर्गत क्रिकेट खेळत आहे. तो मागील मोठ्या कालावधीपासून आंतरराष्ट्रीय क्रिकेटपासून दूर आहे.
आता इशान ५ तारखेपासून सुरू होत असलेल्या दुलीप ट्रॉफीमध्ये दिसणार आहे. अशातच इशानची रुमर्ड गर्लफ्रेंड आदिती हुंडियाने ग्लॅमरस फोटो पोस्ट करुन सर्वांचे लक्ष वेधले.
आदितीच्या फोटोंवर चाहते भन्नाट कमेंट्स करुन इशान किशनबद्दल विचारणा करत आहेत. अनेकांनी किशनच्या नावाचा जयघोष करत आदितीची फिरकी घेतली.
इशान किशनची गर्लफ्रेंड आदिती हुंडिया ही पेशाने मॉडेल आहे. यामुळे ती तिच्या स्टायलिश लूकमुळे चर्चेत असते. ती इन्स्टावर तिच्या सौदर्याने अनेकांना घायाळ करते.
इशान किशन अनेकदा मॉडेल आदिती हुंडियासोबतच्या फोटोंमध्ये दिसतो. ती इशानची गर्लफ्रेंड असल्याचा दावा अनेक बातम्यांमध्ये करण्यात आला आहे.
आदिती हुंडिया हिचा जन्म १५ जानेवारी १९९७ रोजी राजस्थानमधील जयपूर येथे झाला होता. खरे तर इशान किशनने बांगलादेशविरुद्ध वन डेत द्विशतक झळकावल्यानंतर आदितीने लक्षवेधी पोस्ट केली होती.
आदिती हुंडिया सर्वप्रथम २०१९ च्या आयपीएलदरम्यान चर्चेत आली होती. त्यावेळी मुंबईने चेन्नईला नमवत विजेतेपद पटकावले होते. त्यानंतरच इशानचे नाव आदितीसोबत जोडले जाऊ लागले होते.
आदितीने आपल्या मॉडेलिंग करिअरची सुरुवात २०१६ मध्ये एलिट मिस राजस्थानमधून केली होती. त्या स्पर्धेत ती दुसऱ्या क्रमांकावर राहिली होती.
त्यानंतर तिने फेमिना मिस इंडिया राजस्थानचे विजेतेपद पटकावले होते. तसेच फेमिना मिस इंडिया २०१७ मध्ये ती पहिल्या १५ स्पर्धकांमध्ये राहिली होती.
दोघांनी अद्याप त्यांच्या अफेअरची माहिती सार्वजनिक केलेली नसली तरी एकमेकांसोबतचे रोमँटिक फोटो, एकमेकांसाठीच्या पोस्ट आदी पाहता नक्कीच काहीतरी सुरु असल्याची चर्चा आहे.