PHOTOS : कुलदीपची धार्मिक वारी! अलीकडेच लग्नाबद्दल विधान अन् आता धीरेंद्र शास्त्रींचं घेतलं दर्शन

kuldeep Yadav Visit Baba Bageshwar Dham : कुलदीपने संपूर्ण कुटुंबासह बाबा बागेश्वर धाम गाठले.

भारतीय क्रिकेट संघाचा फिरकीपटू कुलदीप यादवने बागेश्वर धामचे मठाधिपती धीरेंद्र शास्त्री यांचे दर्शन घेतले. याची झलक बागेशश्वर धाम या सोशल मीडिया अकाउंटवरून शेअर करण्यात आली आहे.

२९ जून रोजी रोहित शर्माच्या नेतृत्वातील भारतीय संघाने ट्वेंटी-२० विश्वचषक २०२४ जिंकण्याची किमया साधली. सांघिक खेळीच्या जोरावर टीम इंडियाने अपराजित राहून जग जिंकले.

अलीकडेच कुलदीपने त्याच्या लग्नाबद्दल भाष्य केले होते.

मी लवकरच लग्नबंधनात अडकणार आहे. कोणती बॉलिवूड अभिनेत्री नाही पण लवकरच लग्नाची चांगली बातमी मिळेल, असे कुलदीप यादवने सांगितले होते.

गुरुपौर्णिमेच्या शुभमुहूर्तावर कुलदीप यादवने बागेश्वर धाम येथे जाऊन धीरेंद्र शास्त्री यांचे आशीर्वाद घेतले.

कुलदीपने संपूर्ण कुटुंबासह बाबा बागेश्वर धाम गाठले आणि धीरेंद्र शास्त्रींचे आशीर्वाद घेतले. त्याच्याशिवाय इतरही क्रिकेटपटू इथे हजेरी लावत असतात.

कुलदीपने धीरेंद्र शास्त्रींचे आशीर्वाद घेण्याची ही पहिलीच वेळ नाही. विश्वचषकापूर्वीही त्याने धीरेंद्र शास्त्रींचे आशीर्वाद घेतले होते.

कुलदीप यादव भारताच्या राष्ट्रीय संघातून बाहेर असतानाही त्याने बाबा बागेश्वर धामला हजेरी लावली होती. ट्वेंटी-२० विश्वचषकात साजेशी कामगिरी करण्यात त्याला यश आले.

कुलदीपची विश्वचषकातील कामगिरी

२/३२ विरूद्ध अफगाणिस्तान, ३/१९ विरूद्ध बांगलादेश, २/२४ विरूद्ध ऑस्ट्रेलिया, ३/१९ विरूद्ध इंग्लंड आणि ०/४५ विरूद्ध दक्षिण आफ्रिका.