तसेच मी कसोटी क्रिकेटमध्ये ज्यापद्धतीने पदार्पण केले ती आठवण खूप खास आहे. मी भारतीय संघात येताच एका विक्रमाला गवसणी घातली. त्या सामन्यात १८७ धावा करू शकलो. भारतासाठी खेळायचे आणि नवीन विक्रम करायचे हे नेहमीच माझे स्वप्न राहिले आहे. मला विश्वविक्रमाची माहिती देखील नव्हती. पण, भारताच्या कसोटी संघात मला संधी मिळाली याचा खूप आनंद झाला होता, असेही धवनने नमूद केले. तो हिंदुस्तान टाइम्सशी बोलत होता.
