आज भारतीय संघाचा स्फोटक फलंदाज सूर्यकुमार यादव आणि त्याची पत्नी देविशा शेट्टी यांच्या लग्नाचा वाढदिवस आहे. या खास प्रसंगी जोडप्याने काही रोमँटिक फोटो शेअर करत एकमेकांना शुभेच्छा दिल्या.
भारतीय संघाचा स्टार खेळाडू सूर्यकुमार यादव ट्वेंटी-२० विश्वचषकाच्या संघाचा भाग होता. त्याने अंतिम सामन्यात मोक्याच्या क्षणी अप्रतिम झेल घेऊन भारतीय चाहत्यांना सुखद धक्का दिला.
सूर्यकुमार जगातील नंबर वन ट्वेंटी-२० फलंदाज आहे. सूर्यकुमार यादवने मागील मोठ्या कालावधीपासून ट्वेंटी-२० क्रिकेटमध्ये प्रभावी कामगिरी केली.
लग्नाच्या वाढदिवसानिमित्त सूर्या आणि देविशा यांनी खास फोटो शेअर केले आहेत. देविशा शेट्टीने फोटोंसोबत एक भारी कॅप्शन लिहिले.
देविशा शेट्टीने पोस्टच्या कॅप्शनमध्ये लिहिले की, ज्या दिवसापासून मी तुला भेटले, त्या दिवसापासून तू माझे जीवन असे बदलून टाकले की ज्याची मी कल्पनाही केली नव्हती. आपण सवयींच्या बाबतीत इतके समान बनत आहोत की, दोघांनाही समान गोष्टी आवडतात. तुला जो खाद्यपदार्थ आवडतो तोच मलाही भुरळ घालतो. एक गोष्ट एकाचवेळी बोलणे... हे अवास्तव आहे. मी सांगूही शकत नाही तेवढे तुझ्यावर प्रेम आहे. तू जे काही आहेस त्याबद्दल धन्यवाद. मी अधिक विचारू शकत नाही.
सूर्या आणि देविशा यांची पहिली भेट २०१२ मध्ये मुंबईच्या पोद्दार डिग्री कॉलेजमध्ये झाली होती.
तेव्हा सूर्या B.Com च्या पहिल्या वर्षाचा विद्यार्थी होता आणि देवीशा बारावी पास होती. तेव्हा सूर्याचे वय २२ वर्षे तर देविशा १९ वर्षांची होती.
कॉलेजमध्ये असतानाच सूर्याला देविशाचा डान्स खूप आवडला आणि तो तिच्या प्रेमात पडला.
तर देविशा देखील सूर्याच्या फलंदाजीच्या शैलीमुळे प्रभावित झाली होती.
तेव्हापासून दोघांनी जवळपास पाच वर्ष एकमेकांना डेट केल्यानंतर २०१६ मध्ये लग्न केले.