शिवम दुबेच्या स्फोटक खेळीवर पत्नी अंजुम खानने प्रेमाचा वर्षाव केला, वाचा दोघांची लव्ह स्टोरी

भारत आणि अफगाणिस्तान यांच्यातील दुसऱ्या ट्वेंटी-२० सामन्यात शिवम दुबेने आपल्या पॉवर हिटिंग क्षमतेचे प्रदर्शन केले आणि केवळ ३२ चेंडूत ६३ धावांची स्फोटक खेळी खेळली. टीम इंडियाने दुसरा साना सहा विकेट्स राखून जिंकताना मालिकेत २-० अशी विजयी आघाडी घेतली.

शिवम दुबेच्या आक्रमक फलंदाजीने, शक्तिशाली शॉट्स आणि रणनीतिक स्ट्रोकप्लेने अफगाणिस्तानच्या गोलंदाजांना हतबल केले. अफगाणिस्तानने दिलेले लक्ष्य गाठण्यात त्याची झटपट खेळी महत्त्वाची ठरली.

या विजयानंतर शिवम दुबेने त्याची पत्नी अंजुम खानचे मनापासून अभिनंदन केले. त्यानंतर तिने हा आनंद इंस्टाग्रामवर व्यक्त केला.

इंस्टाग्राम स्टोरीतून अंजुमने शिवमच्या चमकदार कामगिरीचे कौतुक केले आणि पतीबद्दल प्रेम व अभिमान व्यक्त केला.

शिवम दुबेच्या लव्ह लाईफची बरीच चर्चा झाली होती. शिवमने अंजुम खान या दुसऱ्या धर्मातील मुलीशी लग्न केले, जी त्याची दीर्घकाळापासूनची मैत्रीण होती.

शिवम आणि अंजुमने जुलै २०२१ मध्ये लग्नगाठ बांधली. शिवम आणि अंजुमचे हिंदू आणि मुस्लिम दोन्ही रितीरिवाजानुसार लग्न झाले. मात्र, लग्नानंतर या जोडप्याला खूप ट्रोलिंगला सामोरे जावे लागले.

अंजुम खानने अलिगढ मुस्लिम विद्यापीठातून कला पदवी पूर्ण केली, तर शिवम दुबेने मुंबईत शिक्षण घेतले, जिथे त्याने क्रिकेटचा प्रवासही सुरू केला.

अंजुम एक मॉडेल देखील राहिली आहे. त्यांनी हिंदी मालिका आणि संगीत अल्बममध्येही काम केले आहे. या दोघांना एक लहान मुलगाही आहे.