टीम इंडियाचा कर्णधार विराट कोहली आणि बॉलिवूड अभिनेत्री अनुष्का शर्मा यांनी गुरुवारी त्यांच्याकडे गुड न्यूज असल्याचे जाहीर केले. 2017 मध्ये विराट-अनुष्कानं इटलीत मोजक्याच नातेवाईकांच्या उपस्थितीत लग्न केलं. त्यानंतर त्यांच्या घरी पाळणा हलणार असल्याच्या चर्चा अनेकदा उठल्या. पण, गुरुवारी दोघांनी अधिकृतपणे त्यांच्या घरी पाहूणा येणार असल्याचे जाहीर केले. 'आम्ही दोनाचे तीन झालोय,' असं दोघांनी ट्विटमध्ये म्हटलं आहे. जानेवारी २०२१ मध्ये घरी पाळणा हलणार असल्याची माहितीसुद्धा त्यांनी दिली आहे. त्यानंतर विराट कोहली इंडियन प्रीमिअर लीग ( आयपीएल) साठी दुबईत दाखल झाला. पण, त्याच्यासोबत पत्नी अनुष्काही दुबईत दाखल झाली आहे.
चेन्नई सुपर किंग्स संघातील पुणेकर खेळाडू कोरोना पॉझिटिव्ह
IPL 2020 : चेन्नई सुपर किंग्सला आणखी एक धक्का; सुरेश रैनानं घेतली माघार, मायदेशी परतला
IPL 2020 : CSKचा कोरोना पॉझिटिव्ह गोलंदाज कोण ते समजलं; सुरेश रैनासह आलेला इतरांच्या संपर्कात
IPL 2020 : विमानतळावरील 'झप्पी' CSKच्या खेळाडूंना महागात पडली? सोशल मीडियावर व्हिडीओ व्हायरल
अनुष्का आणि विराट यांनी दुबईत रॉयल चॅलेंजर्स बंगळुरूच्या सदस्यांसोबत हा आनंद साजरा केला. या दोघांनी केप कापून सर्वांना पार्टी दिली. यावेळी विराट सफेद टी-शर्टमध्ये होता, तर अनुष्कानं सर्वांचे लक्ष वेधले. ब्लॅक अँड व्हाईट डॉट्सचा पोल्का ड्रेस घातला होता. लॉस एंजिलीसच्या निकोलास यानं डिझाईन केलेल्या त्या ड्रेसची किंमत 45 हजार आहे.
विराट-अनुष्काच्या 'गुड न्यूज'नं नोंदवला विक्रम; जगात ठरले अव्वल!विराट-अनुष्काच्या गुड न्यूजच्या इंस्टाग्राम पोस्टवर 24 तासांत 15.3 मिलियन लाईक्सचा पाऊस पडला. गोड बातमी दिल्यानंतर सर्वाधिक लाईक्स मिळवणारे ते जगातील अव्वल कपल ठरले आहेत. यापूर्वा ही विक्रम अमेरिकन मॉडेल गिगी हॅडीग हीच्या प्रेग्नन्सी न्यूजच्या पोस्टला 8.2 मिलियन लाईक्स मिळाले होते, तर जस्टीन बिबरच्या साखरपुड्याच्या पोस्टवर 13.4 मिलियन लाईक्स होते. अमेरिकन गायक सेलेना गोमेझ हीच्या फ्लोरेन्स वेकेशन फोटोवर 14.2 मिलियन लाईक्स होते आणि WWE स्टार ड्वेन जॉन्सनच्या लग्नाच्या फोटोला 14.6 मिलियन लाईक्स होते. विराटच्या पोस्टवर 1 कोटी, तर अनुष्काच्या पोस्टवर 5 कोटी लाईक्स आले आहेत.
Web Title: Soon to be parents Virat Kohli and Anushka Sharma cut a cake in UAE with RCB teammates around
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
