अवघ्या १२ वर्षांच्या मुलाने आखली हत्येची योजना; ‘असा’ रचला कट 

पोलिसांनी सांगितले की, दरोड्याच्या उद्देशाने ही हत्या करण्यात आली.

गाझियाबाद:उत्तर प्रदेशातील गाझियाबादमध्ये २१ नोव्हेंबरच्या रात्री झालेल्या वृद्ध जोडप्याच्या हत्येचा खुलासा झाला आहे. या प्रकरणात १२ वर्षीय मुलासह तीन आरोपींना अटक करण्यात आली आहे. पोलिसांनी सांगितले की, दरोड्याच्या उद्देशाने ही हत्या करण्यात आली. दाम्पत्याची हत्या केल्यानंतर आरोपींनी घरातून पैसे आणि दागिने लुटले. हा दरोडा आणि दुहेरी हत्याकांडाची योजना आखणारा हा १२ वर्षांचा मुलगा असल्याचा पोलिसांचा दावा आहे.

इब्राहिम आणि हाजरा हे वृद्ध दाम्पत्य ट्रॉनिका सिटी पोलिस स्टेशन परिसरातील चर्च कॉलनीत राहत होते. २२ नोव्हेंबर रोजी सकाळी दोघांचेही मृतदेह घरात आढळले होते. याप्रकरणी १९ वर्षीय मंजेश मेहतो आणि शुभम उर्फ शिवमसह एका अल्पवयीन आरोपीला अटक करण्यात आली आहे. 

असा रचला कट 

इब्राहिम यांना एका विक्रीतून भरपूर पैसे मिळाल्याचे आरोपींनी पाहिले होते. त्यातून आरोपीच्या मनात लोभ निर्माण झाला. पैसे लुटण्याच्या इराद्याने आरोपी इब्राहिम यांच्या घरी पोहोचले. हाजरा यांनी दरवाजा उघडताच आरोपींनी कपड्याने गळा आवळून खून केला. यानंतर आरोपींनी इब्राहिम यांचीही हत्या करत त्यांच्या खिशातील ५४ हजार रुपये, सोन्याची चैन आणि मोबाईल असा ऐवज लुटला.

सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"