धक्कादायक! १७ वर्षीय मुलीने लग्नाला नकार दिला, तरुणाने उचलले टोकाचे पाऊलं

दिल्लीत १७ वर्षीय तरुणीवर जीवघेणा हल्ला केला आहे.

दिल्लीतून एक धक्कादायक घटना समोर आली आहे. लग्नास नकार दिल्याने एका तरुणाने १७ वर्षीय अल्पवयीन मुलीवर चाकूने वार केले. मुलीला गंभीर अवस्थेत रुग्णालयात दाखल करण्यात आले असून, रुग्णालयात उपचार सुरु आहेत. आरोपीला अटक करण्यात आली आहे. ही घटना बदरपूर पोलीस ठाण्याच्या हद्दीतील आहे.

ब्रेकअप न करणाऱ्या बॉयफ्रेंडचं गर्लफ्रेंडने अपहरण केले; त्यानंतर जे घडले त्याने पोलीस हादरले

पोलिसांनी दिलेली माहिती अशी, रविवारी दुपारी एकच्या सुमारास ही घटना घडली. या प्रकरणाची माहिती पोलिसांना दुपारी २.१९ वाजता मिळाली. प्रिन्स असे अटक केलेल्या आरोपीचे नाव आहे. २२ वर्षीय प्रिन्स एका मोटार कंपनीत काम करतो. अल्पवयीन मुलाच्या डोक्यावर, मानेवर आणि चेहऱ्यावर खाली वार करण्यात आले आहेत. या प्रकरणात, फोन करणार्‍याने पोलिसांना सांगितले की, बदरपूरमधील चावला मेडिकोजसमोर खजूर वाला रोडवर एका मुलीला कोणीतरी भोसकले आहे. फोन करणाऱ्याने मुलीला मोलाडबंद मेन रोडवर असलेल्या सिटी मेडिकल सेंटर हॉस्पिटलमध्ये नेले.

माहिती मिळताच पोलीस तात्काळ घटनास्थळी पोहोचले. गंभीर जखमी मुलीला येथून एम्स ट्रॉमा सेंटरमध्ये रेफर करण्यात आले आहे. पोलीस एम्स ट्रॉमा सेंटरमध्ये पोहोचले. त्यामध्ये जखमी मुलीबाबत समजले की ती अल्पवयीन असून मोलादबंद एक्स्टेंशन, बदरपूर परिसरात कुटुंबासह राहते. तपासादरम्यान, पोलिसांना माहिती मिळाली की मुलीवर तिच्या ओळखीच्या मुलाने चाकूने वार केले होते, त्यामुळे तिच्या मानेतून आणि डोक्यातून रक्तस्त्राव होत होता. प्रिन्स असे या अल्पवयीन मुलीवर चाकूहल्ला करणाऱ्या मुलाचे नाव असून तो त्याच भागातील रहिवासी आहे.

प्रिन्सने जीवे मारण्याच्या उद्देशाने अल्पवयीन मुलीवर वार केल्याचे पोलिसांनी सांगितले. त्याला अल्पवयीन मुलीशी लग्न करायचे होते, हे यामागचे कारण पोलिसांनी शोधून काढले. खुनाचा प्रयत्न आणि जीवे मारण्याची धमकी देण्यासह विविध कलमान्वये गुन्हा दाखल करून पोलिसांनी आरोपीला अटक केली.