क्रूरता! सार्वजनिक ठिकाणी शिंकल्याने ५ युवकांनी कोविडयोद्धा पोलिसाचं नाक तोडलं अन्...

नरोदा येथे राहणारा युवराज सिंह झाला या २६ वर्षीय युवकाची पोस्टिंग कृष्णानगर पोलीस ठाण्यात करण्यात आली होती,

ठळक मुद्देकाम संपल्यानंतर तो ऑफिसमधून बाहेर निघाला तेव्हा सिडीवरून उतरताना त्याला अचानक शिंक आलीजवळ उभे असणाऱ्या २ लोकांनी त्याच्यासोबत वाद घालत त्याला मारहाण करण्यास सुरूवात केलीपोलीस असल्याचं सांगितल्यानंतर युवक आणखी भडकले अन् ३ अन्य साथीदारांना बोलावले

अहमदाबाद – शहरातील २६ वर्षीय लोक रक्षक दलाच्या जवानाने कधी स्वप्नातही विचार केला नसेल की सार्वजनिक ठिकाणी शिंकल्याने त्याचे नाक तोडण्यात येईल, या जवानाने नरोदा पोलीस ठाण्यात ५ युवकांविरोधात तक्रार नोंदवली आहे. ज्यात कोविड काळात सार्वजनिक ठिकाणी शिंकल्याने त्याच्यासोबत शिवीगाळ आणि मारहाण केल्याचा आरोप या जवानाने केला आहे.

नरोदा येथे राहणारा युवराज सिंह झाला या २६ वर्षीय युवकाची पोस्टिंग कृष्णानगर पोलीस ठाण्यात करण्यात आली होती, तो अकाऊंट विभागात कार्यरत होता, कामाच्या संबंधित तो विभागीय कार्यालयात गेला होता, ज्याठिकाणी त्याच्यासोबत हा प्रकार घडला, काम संपल्यानंतर तो ऑफिसमधून बाहेर निघाला तेव्हा सिडीवरून उतरताना त्याला अचानक शिंक आली, त्यानंतर हा प्रकार घडला. जवळ उभे असणाऱ्या २ लोकांनी त्याच्यासोबत वाद घालत त्याला मारहाण करण्यास सुरूवात केली, झाला ने या युवकांना मी पोलीस कर्मचारी आहे आणि कामानिमित्त याठिकाणी आलोय हे सांगितले, ही गोष्ट ऐकून युवक आणखी भडकले त्यांनी आपल्या ३ साथीदारांना बोलावून घेतलं, त्यानंतर या ५ जणांनी मिळून युवराज सिंह झालाला प्रचंड मारहाण केली, शिंक आल्यामुळे या युवकांनी पोलिसाला बेदम मारलं, त्याठिकाणी उपस्थित लोकांनी कसंतरी आरोपींच्या तावडीतून पोलिसाला वाचवलं.

या घटनेनंतर पोलिसांना पाचारण करण्यात आले, ५ आरोपींविरोधात गुन्हा दाखल झाला आहे. भारत भारवाड, विपुल भारवाड, संजय भारवाड, रवि भारवाड आणि जगदीश भारवांड असं या आरोपींचे नाव असून त्यांच्याविरोधात गुन्हा नोंद झाला आहे. या मारहाणीत युवराज सिंह झाला यांच्या नाकाला आणि डोळ्याला गंभीर दुखापत झाली आहे. त्यांच्यावर जिल्हा रुग्णालयात उपचार सुरू आहेत. या मारहाणीत नाक फ्रॅक्चर झालं असून डोळ्याजवळ टाके बसले आहेत. सध्या पीडित पोलिसाच्या तब्येतील डॉक्टरांची नजर आहे.

Read in English