मुलीच्या मालकीची सदनिका सावत्र आईला विकणाऱ्या बापावर गुन्हा दाखल

मुलीच्या मालकीची सदनिका सावत्र आईला बनावट कागदपत्रे बनवून विकणाऱ्या बापा सह त्याच्या साथीदारा विरुद्ध मीरारोडच्या नया नगर पोलिसांनी गुन्हा दाखल केला आहे . 

मीरारोड -  

मुलीच्या मालकीची सदनिका सावत्र आईला बनावट कागदपत्रे बनवून विकणाऱ्या बापा सह त्याच्या साथीदारा विरुद्ध मीरारोडच्या नया नगर पोलिसांनी गुन्हा दाखल केला आहे . 

दिव्या बलाणी हिच्या वतीने वकील सुनील सोनकर यांनी दिलेल्या फिर्यादी नुसार , मीरारोडच्या ब्रॉडवे एव्हेन्यू मध्ये महिमा बलाणी यांची असलेली सदनिका त्यांच्या निधन नंतर पती अविनाश ह्याने ३० लाखांना विकली होती . त्यातील ५० टक्के हिस्सा हा अविनाश व ५० टक्के हिस्सा मुलगी दिव्या हीचा होता . अविनाशने स्वतःचे कर्ज व देणी यात १५ लाख खर्च केले तर उर्वरित १५ लाखातून शांती नगर सेक्टर ६ मधील दीपक इमारतीत २०१ क्रमांकाची सदनिका स्वतःचे नावे खरेदी केली . दरम्यान अविनाश ह्याने डॉली उर्फ प्रिया नावाच्या महिलेशी दुसरा विवाह केला पण २ वर्षांनी त्यांच्या बेबनाव होऊन तिने कौटुंबिक हिंसाचार नुसार फौजदारी कारवाई सुरु केली .  

नालासोपाराच्या शक्कर मोहल्ला येथे राहणारा अशिक शेख याने त्यावेळी अल्पवयीन असलेल्या दिव्या साठी २०१७ सालात न्यायालयातील भरणपोषण दाव्यासाठी वकील सोनकर यांची नियुक्ती केली होती . २०१७ साली दिव्या हिने वडिलांना पाठवलेल्या नोटीस नंतर वडिलांनी ती सदनिका दिव्या हिच्या ५० टक्के हिश्यातून भविष्यातील तिचे शिक्षण , मूलभूत गरज  , विवाह आदी साठी आर्थिक तजवीज म्हणून खरेदी केली होती . तसे चुकदुरुस्ती दस्त सुद्धा अविनाश यांनी नोंदणी करून दिले होते. 

दरम्यान अविनाश व डॉली मध्ये समझोता होऊन दीपक इमारतीतच ३०१ क्रमांकाची सदनिका डॉली यांना देण्याचे अविनाश याने मान्य केले . परंतु अविनाश ने दिव्या हिची २०१ क्रमांकाची सदनिका डॉली हिला १० लाखांना विक्रीचे दस्त नोंदणी करून घेतले . गृहनिर्माण संस्थेत ती सदनिका डॉली यांच्या नावे हस्तांतरित करण्यासाठी वकील राजेशकुमार मिश्रा यांनी दिव्या व अशिक शेख मार्फत नाहरकत पत्र अविनाशच्या संगनमताने दिले.  खोटी कागदपत्रे, खोटे पुरावे व कट करून फसवणूक केल्या प्रकरणी नया नगर पोलिसांनी ३ सप्टेंबर रोजी अविनाश सह शेख वर गुन्हा दाखल केला आहे .