सेक्सटॉर्शनला बळी पडला, जिगरी दोस्ताला मागितली मदत; सत्य उघड होताच 'तो'च हादरला

जेव्हा पीडित युवकाच्या जवळचा पैसा संपला तेव्हा त्याने पोलीस स्टेशनला याबाबत तक्रार नोंदवली.

नवी दिल्ली - असे मित्र असतील तर शत्रूची काय गरज अशी म्हण आपल्याकडे म्हंटली जाते. दिल्लीच्या बुराडी येथे असाच काही प्रकार उघडकीस आला आहे. मित्राने सुरुवातीला सेक्सटॉर्शनमध्ये ब्लॅकमेल केले त्यानंतर आपल्याच जिगरी मित्राची फसवणूक केली. हा प्लॅन दिल्ली पोलिसांनी समोर आणला. पोलिसांनी तातडीने कारवाई करत शिवम कुमार नावाच्या मित्राला अटक केली. कारवाईत त्याचा मोबाईल फोन जप्त करण्यात आला. 

डीसीपी सागर सिंह कलसी यांनी सांगितल्यानुसार, बुराडी येथील एका युवकाने पोलीस तक्रार दिली होती. त्याला व्हॉट्सअपवर मुलीने मेसेज केला आणि त्याच्याशी मैत्री केली. त्यानंतर या मुलीने व्हिडिओ कॉल करत त्याच्यासमोर कपडे काढून पॉर्न व्हिडिओ बनवला. पीडित युवक घाबरला त्याने हा सर्व प्रकार त्याचा जिगरी मित्र शिवमला सांगितला. त्यानंतर शिवम म्हणाला, चिंता नको करू, मी पाहून घेतो. पीडित युवक पुन्हा मदतीच्या बहाण्याने शिवम कुमारकडे गेला तेव्हा त्याने प्रकरण मिटवण्यासाठी ४ लाख द्यावे लागतील असं सांगितले. पण हे पैसे तो त्याच्याच मित्राने बनवलेल्या प्लॅनचा भाग होता याची भनकही पीडित युवकाला लागली नाही. 

जेव्हा पीडित युवकाच्या जवळचा पैसा संपला तेव्हा त्याने पोलीस स्टेशनला याबाबत तक्रार नोंदवली. या प्रकरणाचा तपास सुरू झाला. सीडीआर आणि बँक खात्याची तपासणी झाली. शिवमच्या भूमिकेवर युवकाने संशय व्यक्त केला. पीडित युवकाला भरतपूर भागातून कॉल आला होता. परंतु काही दिवसांनी कॉलर आयडी बुराडी परिसरातील दाखवली. पोलिसांनी आरोपीचं घर ट्रेस केले तेव्हा ते घर पीडित युवकाचा मित्र शिवमचे निघाले. शिवमनं मित्राला लुबाडण्यासाठी सिमकार्ड खरेदी केले. त्याच्यातून युवकाला ब्लॅकमेल केले. त्यातून युवकाकडून पैसे लाटले.  

पोलिसांनी पुढील तपास केला तेव्हा व्हिडिओ रेकॉर्ड करणारे आणि सेक्सटॉर्शन करणारे २ वेगवेगळे आरोपी होते. या फसवणुकीत दुसरा मित्र आरोपी बबलूचा शेजारी निघाला. त्यानंतर पोलिसांनी बबलूच्या घराजवळ निघाले तेव्हा पोलिसांनी पाहताच दोघांनी पळण्याचा प्रयत्न केला परंतु त्यांना पोलिसांनी पकडले. पोलिसांनी या प्रकरणात ३ आरोपींना अटक केली असून पैशासाठी मित्राला लुबाडणारा हा प्रकार समोर आला आहे.