दुकानातून घरी परतणाऱ्या सेल्स गर्लवर सामूहिक बलात्कार, तिघांनी घडवून आणलं दुष्कर्म
By ऑनलाइन लोकमत | Published: July 12, 2022 02:42 PM2022-07-12T14:42:51+5:302022-07-12T14:43:26+5:30
Gangrape Case : दुकानात सेल्स गर्ल असलेल्यातरुणीवर तिघांनी सामूहिक बलात्कार केल्याची घटना घडली.
दुकानातून घरी परतणाऱ्या सेल्स गर्लवर सामूहिक बलात्कार, तिघांनी घडवून आणलं दुष्कर्म
Next समस्तीपूर : बिहारच्या समस्तीपूरमध्ये मंचलांनी सामूहिक बलात्काराची मोठी घटना घडवली आहे. ही घटना जिल्ह्यातील रोसडा उपविभागाशी संबंधित असून विभूतीपूर पोलीस ठाण्याच्या हद्दीतील एका गावात सोमवारी सायंकाळी उशिरा ही घटना घडली. दुकानात सेल्स गर्ल असलेल्यातरुणीवर तिघांनी सामूहिक बलात्कार केल्याची घटना घडली.
घटनेबाबत असे म्हटले आहे की, ही तरुणी बाजारातील एका कापडाच्या दुकानात काम करते आणि तेथून नेहमीप्रमाणे घरी परतत होती. वाटेत एका निर्जन ठिकाणी तीन तरुणांनी तिला बळजबरीने उचलून नेले आणि लिचीच्या मळ्यात नेल्यानंतर तिघा तरुणांनी तिच्यावर आळीपाळीने बलात्कार केला. या घटनेनंतर मुलीची प्रकृती खूपच गंभीर झाली आहे. कसेबसे तिने घरी पोहोचून तिच्या वडिलांना व इतर नातेवाईकांना घटनेची माहिती दिली.
तरुणीसोबत घडलेल्या प्रकारानंतर आजूबाजूच्या लोकांनी आरोपी तरुणाला पकडले, मात्र पोलिस येण्यापूर्वीच तरुणाच्या गावातील लोकांनी आरोपीला तेथून बळजबरीने सोडवले आणि पीडितेच्या कुटुंबातील सदस्यांना जीवे मारण्याची धमकी दिली. पीडित मुलीला नातेवाइकांनी गंभीर अवस्थेत प्राथमिक आरोग्य केंद्र विभूतीपूर येथे नेले, तेथे प्रकृती चिंताजनक पाहून डॉक्टरांनी तिला सदर रुग्णालयात रेफर केले. त्यांना प्रथम येथील इमर्जन्सी वॉर्डमध्ये दाखल करण्यात आले, त्यानंतर परिस्थितीत थोडी सुधारणा झाल्यानंतर त्यांना सदर हॉस्पिटलच्या महिला वॉर्डमध्ये हलवण्यात आले.
घटनेची माहिती मिळताच विभूतीपूर पोलिसांनी या प्रकरणाचा तपास सुरू केला आहे. याप्रकरणी कारवाई करत पोलिसांनी एका आरोपीला अटक केली आहे. तर अन्य आरोपींच्या अटकेसाठी छापेमारी सुरू आहे. महिला पोलिसांनी समस्तीपूर सदर रुग्णालयात पीडितेचा जबाब नोंदवला असून त्यात तीन जणांना आरोपी करण्यात आले आहे.