अंधेरी रातों में, सुनसान राहों पर...चोर नग्न फिरायचा, अंगावर तेल लावून करायचा चोरी! अखेर असा जाळ्यात अडकला...

रात्रीच्या अंधारात तो निर्वस्त्र होऊन रस्त्यावर फिरायचा. अंगाला तेल लावून चालायचा आणि चोरी करायचा.

नवी मुंबई-

रात्रीच्या अंधारात तो निर्वस्त्र होऊन रस्त्यावर फिरायचा. अंगाला तेल लावून चालायचा आणि चोरी करायचा. मुंबईच्या जवळ असलेल्या असलेल्या ठाणे जिल्ह्यातील दिघा परिसरात नग्न चोराची दहशत हळूहळू वाढू लागली होती. निर्वस्त्र होऊन तो फिरायचा यामुळे नागरिकांमध्ये आधीच घबराट होती आणि आपल्याला कुणी पकडू नये किंवा पकडलं तर लगेच निसटता यावं यासाठी तो अंगावर तेल लावून फिरायचा. पण पापाचा घडा कधीना कधी भरतोच असं म्हणतात. अखेर नवी मुंबईतील कळवा परिसरात राहणारा हा चोरटा अखेर पकडला गेला आहे.

रात्री उशिरा आणि पहाटे मौल्यवान वस्तू चोरण्यासाठी बाहेर पडणाऱ्या या चोरट्याची माहिती पोलिसांना मिळताच त्यांनी कारवाईची तयारी केली. नवी मुंबईच्या रबाळे पोलिसांनी सीसीटीव्ही फुटेज पाहून चोरट्याला पकडण्यास सुरुवात केली. सीसीटीव्ही फुटेजमध्ये आरोपी दिघा परिसरातील चिंचोळ्या गल्ल्यांमध्ये फिरताना दिसला. गेल्या चार दिवसांपासून हा व्हिडिओ व्हायरल होत होता. ज्यांनी हा व्हिडिओ पाहिला, त्यांच्या मनात घबराट पसरली. आपल्या जवळ कुणी येऊ नये यासाठी तो नग्न अवस्थेत फिरायचा. त्याची दहशत वाढत होती. त्यानंतर पोलिसांनी रात्री संबंधित परिसरात सापळा रचून चोराला पकडलं. कळवा भागातील या २४ वर्षीय चोरट्याला रबाळे पोलिसांनी अटक केली आहे.

आरोपीला डेंग्युची लागण
पोलिसांनी सीसीटीव्ही फुटेजवरून त्याची ओळख पटवून त्याला रबाळे एमआयडीसी पोलिस ठाण्यात आणले. चौकशीत कळवा ठाण्यात पकडलेल्या चोरट्यावर यापूर्वी नऊ गुन्हे दाखल असल्याची माहिती मिळाली. मात्र रबाळे पोलिस त्याच्यावर कोणाचीही नोंद करण्यापूर्वीच त्याला डेंग्यू झाला. अशा स्थितीत त्याला रुग्णालयात दाखल करण्यात आलं आहे. तो बरा झाल्यानंतर पोलीस त्याची चौकशी करणार आहेत.